بجلی کی قیمت میں 50 پیسے فی یونٹ اضافہ کردیا گیا

نیپرا نے بجلی کی قیمت میں 50 پیسے فی یونٹ اضافہ کردیا ہے۔

نیپرا نے بجلی کی قیمت میں اضافے کا فیصلہ جاری کردیا۔ بجلی کی فی یونٹ قیمت میں 50 پیسے کا اضافہ کردیا گیا ہے۔

بجلی کی قیمت میں اضافہ سہ ماہی ایڈجسٹمنٹ کی مد میں کیا گیا ہے جس کا اطلاق یکم ستمبر سے 3 ماہ کے لئے ہوگا۔بجلی کی قیمت میں اضافے کا اطلاق لائف لائن صارفین پر نہیں ہوگا جبکہ ریلیف پیکج لینے والے صنعتی صارفین بھی اضافے سے مستثنیٰ ہوں گے۔

واضح ریے کہ: سنٹرل پاور پرچیزنگ ایجنسی نے ماہانہ فیول پرائس ایڈجسٹمنٹ کی مد میں بجلی کی قیمتوں میں7 روپے 96 پیسے فی یونٹ اضافہ کی درخواست دے دی تھی جس کی بعدزاں منظوری دے دی گئی.

سی پی اے نے مئی کی ماہانہ فیول پرائس ایڈجسٹمنٹ کی مد میں درخواست کی تھی جس پر سماعت 27 جون کو ہوئی تھی ،درخواست میں مؤقف اختیار کیا گیا تھا کہ مئی میں فرنس آئل سے 8.80 فیصد بجلی پیدا کی گئی اور فرنس آئل سے 33 روپے 67 پیسے فی یونٹ بجلی پیدا ہوئی.

مقامی گیس سے 10 فیصد، درآمدی ایل این جی سے22.89 فیصد اور پانی سے 24.50 فیصد بجلی پیدا کی گئی تھی۔