معروف اداکارہ،میزبان اور گلوکارہ مشی خان کا کہنا ہے کہ قبول ہے ایک گانا تھا بلال سعید اور صبا قمر کا اصل نکاح نہیں تھا کہ انہوں نے ایک مشہور مسجد کے مذہبی تقدس کو داغدار کردیا ہے-
باغی ٹی وی: صبا قمر اور بلال سعید کے گانے قبول ہے کی شوٹنگ کے لئے مسجد وزیر خان میں بنائی گئی ویڈیو پر جہاں عوام ،مذہبی اورمعروف شخصیات غم و غصے کا اظہار کر رہی ہیں وہیں میزبان،گلوکارہ اور اداکارہ ،شی خان نے بھی شدید ردعمل دیتے ہوئے غصے کا اظہار کیا ہے –
This act is extremely deplorable as they #SabaQamar & #BilalSaeed are celebrities who influence people
They shud have put their foot down as responsible stars. “Qabool hy”was a song not their real Nikah that they tarnished the religious sanctity of a renowned mosque. Shameful pic.twitter.com/BGPwmiBbWd— Mishi khan (@mishilicious) August 8, 2020
مشی خان نے سماجی رابطے کی ویب سائٹ ٹویٹر میں ایک ویڈیو شئیر کی جس مین انہوں نے کہا کہ جس طریقے سے پاکستان کے دو بڑے آرٹسٹوں بلال سعید اور صبا قمر نے مسجد وزیر خان میں جا کر اپنے آنےوالے گانے قبول ہے کے لئے پرفارم کیا ویڈیو بنائی اس کی وہ بھرپور مذمت کرتی ہیں-
انہوں نے کہا کہ اگر یہ ان کی حقیقی زندگی میں ہوتا کہ وہ مسجد مین جا کر نکاح کر رہے ہیں تو ہم سب خوش ہوتے لیکن ان کی اس ویڈیو اور گانے کے شوٹ پر میں مذمت کرتی ہوں-
انہوں نے کہا کہ یہ عمل انتہائی قابل افسوس ہے کیوں کہ صبا قمر اور بلال سعید مشہور شخصیات ہیں جو لوگوں کو متاثر کرتی ہیں بطور اداکار ہماری ذمہ داری ہے کہ ہم ایسی چیزوں کو پروموٹ نہ کریں-