بلاول بھٹو نے ن لیگ کی امیدوں پرپانی پھیردیا

0
25

سکھر:بلاول بھٹو نے ن لیگ کی امیدوں پرپانی پھیردیا ،اطلاعات کے مطابق پی پی چیئرمین بلاول بھٹو نے ن لیگ کی امیدوں پر پانی پھیر دیا ہے اور یہ پیغام واضح کردیا ہےکہ انتخابات سے پہلے وہ حکومت کے خلاف کسی سازش کا حصہ نہیں بنیں‌گے

اسی حوالے سے پاکستان پیپلز پارٹی کے چیئر مین بلاول بھٹو زرداری کا کہنا ہے کہ نیب گردی سمیت سلیکٹڈ حکمرانوں سے تمام مظالم کا حساب آئندہ عام انتخابات میں لیں گے جو اب زیادہ دور نہیں۔

پاکستان پیپلز پارٹی کے چیئر مین نے پارٹی کے سینئر رہنما سید خورشید شاہ کے صاحبزادے و ایم پی اے فرخ شاہ کو ضمانت کی منظوری پر مبارکباد دیتے ہوئے کہا کہ ظلم کی زنجیریں ٹوٹ رہی ہیں، نیب گردی کا خاتمہ نوشتہ دیوار ہے۔

انہوں نے کہا کہ فرخ شاہ کو نیب کے جھوٹے مقدمے میں ضمانت ملی ہے، کل ایسے تمام جھوٹے مقدمات کا خاتمہ ناگزیر ہے، خورشید شاہ اور ان کے اہلخانہ کو نیازی حکومت نے سیاسی انتقام کا نشانہ بنایا، نیب گردی سمیت سلیکٹڈ حکمرانوں سے تمام مظالم کا حساب آئندہ عام انتخابات میں لیں گے جو اب زیادہ دور نہیں۔

اس سے قبل سکھر میں احتساب عدالت نے پاکستان پیپلز پارٹی کے رہنما خورشید شاہ کے بعد ان کے صاحبزادے رکن صوبائی اسمبلی فرخ شاہ کی بھی ضمانت منظور کر لی۔ احتساب عدالت نے ان کی درخواست ضمانت پر محفوظ کیا گیا فیصلہ سنا دیا۔

فیصلہ احتساب عدالت کے جج فرید انور قاضی نے دیا، وکیل نے بتایا کہ عدالت نے فرخ شاہ کی ایک کروڑ کے مچلکوں کے عوض ضمانت منظور کی ہے۔ عدالت کا وقت پورا ہونے کی وجہ سے رہائی کا عمل پیر کو ہونے کا امکان ہے۔

Leave a reply