بجٹ منظور ہوتے ہی بلاول آگ بگولہ ہوگئے ،تنقید ہی تنقید

اسلام آباد:قومی اسمبلی میں سال 2019-2020 کا بجٹ منظور ہوتے ہی اپوزیشن کی طرف سے تنقیدی جملوں اور تبصروں کا سلسلہ شروع ہو گیا .پاکستان پیپلز پارٹی کے چیئر مین بلاول بھٹو نے تو بجٹ کی منظوری کے خلاف انتہا ہی کردی .بلاول نے تو یہاں تک کہ دیاکہ بجٹ پاس کرانے میں بھی حکومت نے قومی اسمبلی میں دھاندلی کی ہے. یہ غریب دشمن بجٹ ہے.قومی اسمبلی سے باہر میڈیا سے گفتگو کرتے ہوئے کہا کہ بجٹ منظوری میں اسپیکر نے دوہرا معیار اپنایا .ملکی تاریخ میں اس سے پہلے ایسا کوئی بجٹ نہیں آیا

حکومت نے دھاندلی سے دو بل منظور کرائے .سندھ اور تھر کول منصوبے کو نقصان پہنچایاگیا ہے. بلاول بھٹو نے کہا کہ وہ عوام کے پاس جائیں گے اور عوام کو بتائیں گے کہ ان کے ساتھ زیادتی ہوئی.کسانوں اور مزدورں کے ساتھ یہ حکومت زیادتی کررہی ہے. ان کا معاشی قتل کررہی ہے .بلاول نے کہا کہ عوام دشمن حکومت عوام کا خون چوس رہی ہے. یہ ایک کروڑ نوکریوں کا وعدہ کرنے والے لوگوں کے بے روزگار کررہےہیں.

بلاول بھٹونے کہا کہ یہ کیسا بجٹ ہے کہ جس میں غریبوں پر بوجھ ڈال کر امیروں کو ریلیف دیا جارہاہے. بلاول نے کہا کہ یہ پی ٹی آئی کا بجٹ نہیں بلکہ پی ٹی آئی آئی ایم ایف کا بجٹ ہے.بلاول بھٹو نے کہا کہ پیپلز پارٹی ہر محاذ پر عوام کے حقوق کے لیے لڑے گی