بلاول کے بیان پر فردوس عاشق اعوان بھی میدان میں‌ آ گئیں، کہا شہداء کے خون پر سیاست نہ کریں

پاکستان پیپلز پارٹی کے چیئرمین بلاول بھٹو زرداری کی طرف سے پی ٹی ایم رہنماؤں‌ محسن داوڑ اور علی وزیر کا دفاع کرنے پر وزیر اعظم کی معاون خصوصی فردوس عاشق اعوان بھی میدان میں‌ آ گئ ہیں.

باغی ٹی وی کی رپورٹ‌کے مطابق فردوس عاشق اعوان نے کہاکہ بلاول بھٹو زرداری نے بویا میں سپاہی کو شہید کرنے والے نامعلوم افراد کی مذمت کی لیکن خڑکمرچیک پوسٹ پرمحسن داوڑ کے حملے کو مسترد کردیا. ان کا دوہرا معیار ہے. بلاول بھٹو زرداری شہیدوں کے خون پر سیاست کر رہے ہیں. انہیں‌ راؤانوار کو بہادر بچہ اور محسن داوڑ کے پرو ڈکشن آرڈر پر اصرار ہے.

یاد رہے کہ پاکستان پیپلز پارٹی کے چیئرمین بلاول بھٹو زرداری نے ایک بار پھر پی ٹی ایم رہنماؤں‌ محسن داوڑ اور علی وزیر کا دفاع کرتے ہوئے کہا ہے کہ یہ ایم این ایز ہیں دہشت گرد نہیں ہیں. اسپیکرقومی اسمبلی کو قواعد پر عملدرآمد کرنے کا کہہ رہا ہوں. ہم نےہمیشہ عوام کی خدمت کی ہے. اسی کو تسلسل کہتے ہیں جس کی آپ کو سمجھ نہیں آتی.

چیئرمین پیپلز پارٹی بلاول بھٹو زرداری نے کہاکہ ہم نےہمیشہ عوام کی خدمت کی ہے. اب اس کومزید بہتراورگراس روٹ لیول پرکرناہے.

جواب چھوڑیں

آپ کا ای میل ایڈریس شائع نہیں کیا جائے گا.