fbpx

بلاول کااقوام متحدہ جنرل سیکریٹری سے ٹیلفونک رابطہ ،بھارت کیجانب سے گستاخانہ بیانات کیخلاف سخت نوٹس لینے کامطالبہ

وزیر خارجہ بلاول بھٹو نےاقوام متحدہ کے جنرل سیکریٹری سے بی جے پی رہنماوں کی جانب سے گستاخانہ بیانات کا معاملہ اٹھا دیا۔

باغی ٹی وی : وزیر خارجہ بلاول بھٹو زرداری نے اقوام متحدہ کے جنرل سیکریٹری سے ٹیلفونک رابطہ کیا ہے انہوں نے بی جے پی رہنماوں کی جانب سے تضحیک آمیز بیانات اور بڑھتے اسلاموفوبیا پربات چیت کی۔

او آئی سی بھارت میں اسلاموفوبیا کی بگڑتی صورتحال کا نوٹس لے: وزیرخارجہ بلاول بھٹو

وزیر خارجہ بلاول بھٹو نے کہا ہے کہ اس طرح کی اشتعال انگیزی سے دنیا بھر کے مسلمانوں کی دل آزاری ہوئی ہےبھارت کی جانب سے نفرت آمیز بیانات اور بڑھتے اسلاموفوبیا کیخلاف سخت نوٹس لیا جائے۔

وزیرخارجہ بلاول بھٹو نے پر امن مظاہرین کے ساتھ ناروا سلوک کی بھی شدید مذمت کی ہے انہوں نے بھارت میں مظاہرین کے غیر قانونی طور پر گھر گرانے پر تشویش کا اظہار کیا ہے۔

بھارت:گستاخانہ بیان پر احتجاج کرنیوالے مسلم رہنماؤں کے گھر مسمار

قبل ازیں بھی وزیر خارجہ اور اسلامی تعاون تنظیم کے سیکرٹری جنرل حسین ابرہیم طحہٰ کا ٹیلیفونک رابطہ ہوا تھا جس میں بلاول بھٹو زرداری نے اس بات پر زور دیا تھا کہ او آئی سی بھارت میں اسلاموفوبیا کی بگڑتی صورتحال کا فوری نوٹس لے وزیر خارجہ نے بھارت میں مسلمانوں کے تحفظ کے لیے کوششیں تیز کرنے پر زور دیتے ہوئے کہا تھا کہ او آئی سی بھارت میں اسلاموفوبیا کی بگڑتی صورتحال کا فوری نوٹس لے، بی جے پی رہنماؤں کے توہین آمیز بیانات سے مسلمانوں کے جذبات کو ٹھیس پہنچی۔

’ہم سکھ ہیں مگر رسول پاک ﷺ کی شان میں گستاخی برداشت نہیں کریں گے:دنیا بھرکے سکھوں…

انہوں نے کہا تھا کہ بی جے پی کی جانب سے وضاحت کی کوشش، اور ذمہ دار افراد کے خلاف تاخیر سے کی جانے والی ’انضباطی‘ کارروائی، مسلم دنیا کے درد اور اضطراب کو کم نہیں کر سکتے۔ انہوں نے تضحیک آمیز کلمات کے خلاف نماز جمعہ کے بعد پرامن احتجاجی مظاہروں کے دوران بھارتی حکام کی جانب سے ناروا سلوک کی بھی شدید مذمت کی تھی جو کہ مسلمانوں پر بھارتی حکومت کے جاری ظلم و ستم کا تازہ ترین مظہرہے ۔

گستاخانہ بیانات:برطانیہ میں بھارتی ہائی کمیشن کے سامنے بڑی تعداد میں مظاہرین کا…

وزیر خارجہ نے او آئی سی اور اس کے رکن ممالک پر زور دیا تھا کہ وہ ہندوستانی مسلمانوں کی جان، مال، عزت، جائیداد، ثقافت، ورثے اور مذہبی آزادیوں کے تحفظ کے لیے اپنی کوششیں تیز کریں۔ انہوں نے تنظیم پر زور دیا کہ وہ ہندوستان میں اسلامو فوبیا کی بگڑتی ہوئی صورتحال کا فوری نوٹس لے۔

او آئی سی کے سیکرٹری جنرل نے توہین آمیز بیانات اور بھارتی مسلمانوں پر تشدد کے مسلسل واقعات پرگہری تشویش کا اظہار کیا تھا-

اسلاموفوبیا قرارداد منظور ہونے پر بھارت کا شدید ردعمل