وزیر خارجہ بلاول کی شیخ عبدالقادر جیلانی کے مزار پر حاضری

0
25
bilalwal baghdad

پاکستان پیپلزپارٹی کے چیئرمین اور وزیر خارجہ بلاول بھٹو زرداری کی شیخ عبدالقادر جیلانی کے مزار آمد ہوئی

بلاول بھٹو زرداری کے لئے شیخ عبدالقادر جیلانی کے مزار کی نئی جالی کو خصوصی طور پر کھولا گیا ، بلاول بھٹو زرداری نے شیخ عبدالقادر جیلانی کے مزار پر فاتحہ خوانی کی اور چادر بھی چڑھائی ، بلاول بھٹو زرداری نے شیخ عبدالقادر جیلانی کی درگاہ کے سجادہ نشین شیخ خالد عبدالقادر المنصور الجیلانی نے استقبال کیا بلاول بھٹو زرداری کو شیخ عبدالقادر جیلانی کی درگاہ کے سجادہ نشین شیخ خالد عبدالقادر المنصور الجیلانی مزار شریف کے مختلف حصوں کا دورہ کرایا گیا

بلاول بھٹو نے عراق دورے پر تقریب سے خطاب کرتے ہوئے کہا کہ مجھےاس شاندار تقریب میں فیڈریشن آف پاکستان چیمبر آف کامرس اور عراقی ہم منصب کے درمیان مفاہمت کی یادداشت پردستخط دیکھ کر خوشی ہوئی ہے دوطرفہ تجارت اور سرمایہ کاری کے تعاون کو مزید بڑھانے کے لیے اس رفتار کو آگے بڑھانے کی ضرورت ہے۔

وزیر خارجہ بلاول بھٹو زرداری اور عراق کی حکمت پارٹی کے صدر عمار حکیم کے درمیان ملاقات ہوئی ہے،ملاقات میں پاکستان اور عراق کے درمیان سیاسی تعلقات سمیت باہمی دلچسپی کےامور پر تبادلہ خیال کیا گیا، وزیر خارجہ کا کہنا تھا کہ
پاکستان اور عراق کے درمیان اعلی سطح سیاسی روابط دونوں ملکوں کے لیے اہم ہیں۔دونوں ممالک کے درمیان عوامی تعلقات کے فروغ کیلیے سیاسی رابطے انتہائی ضروری ہیں۔

وزیر خارجہ بلاول بھٹو زرداری کی عراق کی اسلامی سپریم کونسل کے سربراہ حمام حمو دی سے ملاقات ہوئی، ملاقات میں پاکستان اور عراق کے درمیان تعلقات اور باہمی امور پر تبادلہ خیال کیا گیا، جاری اعلامیہ کے مطابق ملاقات میں پاکستان اور عراق کے درمیان صحت کے شعبے میں تعاون بڑھانے پر بھی تبادلہ خیال کیا گیا، بلاول کا کہنا تھا کہ پاکستان اور عراق مذہب اور روایات کے بندھن میں بندھے بہترین دوست ممالک ہیں۔

وزیرخارجہ بلاول بھٹو زرداری کی عراقی وزیر داخلہ عبدلامیرالشمری کے ساتھ بغداد میں ملاقات ہوئی ہے، ملاقات میں پاکستان اورعراق کے درمیان تعلقات کی تمام جہتوں پر بات چیت کی گئی، وزیر خارجہ بلاول بھٹو زرداری اور عراقی وزیر داخلہ نے عوامی تعلقات میں اضافے کیلئے تعاون بڑھانے پر اتفاق کیا۔ ملاقات میں پاکستانی زائرین اور تاجر برادری کیلئے عراقی ویزے میں آسانی پر بھی تبادلہ خیال کیا گیا-

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

قبل ازیں گزشتہ روز وزیر خارجہ بلاول بھٹو زرداری کی عراقی صدر سے ملاقات ہوئی ہے،عراقی صدر ڈاکٹر عبداللطیف رشید سے یہ ملاقات بغداد میں ہوئی۔ ملاقات میں پاکستان اور عراق کے درمیان موجودہ تعلقات پر اطمینان کا اظہار کیا گیا، وزیر خارجہ بلاول بھٹو زرداری اور عراقی صدر نے باہمی تعاون کے تمام شعبوں میں ملکر کام کرنے پر اتفاق کیا۔ وزیر خارجہ بلاول بھٹو زرداری کا کہنا تھا کہ پاکستان اور عراق کے درمیان احترام اور روایات پر مبنی گہرے برادرانہ قریبی تعلقات ہیں۔

Leave a reply