fbpx

امریکہ کےسامنےڈٹ جانےکےاثرات:امریکی سینیٹ میں بل:پاکستان کیلئےمزید امتحانات آسکتےہیں: شیخ رشید

:
اسلام آباد:امریکہ کے سامنے ڈٹ جانے کےاثرات:امریکی سینیٹ میں بل، پاکستان کیلئے مزید امتحانات آسکتے ہیں:اللہ ہمارے ساتھ ہیں:اطلاعات کے مطابق وفاقی وزیر داخلہ شیخ رشید احمد نے کہا ہے کہ امریکی سینیٹ میں بل سے پاکستان کے لیے مزید امتحانات آسکتے ہیں، کچھ بھی ہوہم نہیں جھکیں گے۔

اسلام آباد میں ویمن چیمبر آف کامرس کی تقریب سے خطاب کرتے ہوئے وفاقی وزیر داخلہ کا کہنا تھا کہ افغانستان میں دنیا اوربھارت کی انٹیلی جنس کو شکست ہوئی، بھارت پاکستان پرالزام لگارہا ہے۔ امریکی سینیٹ میں بل پاکستان کے لیے مزید امتحانات آسکتے ہیں، کچھ بھی ہوہم نہیں جھکیں گے۔ دنیا کو افغانستان کا ساتھ دینا چاہیے، منجمد اکاؤنٹس بحال ہونے چاہئیں۔

ان کا کہنا تھا کہ ہم طالبان کی عسکری مدد نہیں کررہے، یہ بکواس الزام ہے، پاکستان میں اگر کرکٹ نہیں ہو گی توکوئی مر نہیں جائے گا، نیوزی لینڈ ٹیم کو ان کی فوج سے زیادہ سکیورٹی دی تھی۔

انہوں نے کہا کہ شہباز شریف کو چھوڑیں، ان کے نصیب میں دھکے ہیں، پہلے کہتا تھا ’ن‘ سے ’ش‘ اب ’میم‘ بھی نکلے گی، سلیمان شہباز کو اگر کلین چٹ مل گئی تو تایا کو ساتھ لے کر پاکستان آجائے، الیکشن میں 22 ماہ رہ گئے ہیں۔

وفاقی وزیر داخلہ کا کہنا تھا کہ وزیراعظم عمران خان ملک میں شفاف الیکشن کرانا چاہتے ہیں تاکہ کوئی دھاندلی کا الزام نہ لگاسکے، وزیراعظم ووٹنگ مشین اس لیے چاہتے ہیں کہ دھاندلی ختم ہوجائے۔

وفاقی وزیر داخلہ شیخ رشید کاکہنا تھا کہ ملک میں مہنگائی ہے، دال، چینی، گھی، ادویات کی قیمتوں میں اضافہ ہوا ہے۔ مانتے ہیں مہنگائی ہے،مہنگائی کم کرنے کے لیے اقدامات کیے جا رہے ہیں۔

Facebook Notice for EU! You need to login to view and post FB Comments!