بل گیٹس سابق اہلیہ میلنڈا کے ساتھ دوبارہ شادی کرنے کے خواہشمند

لندن: مائیکرو سافٹ کے شریک بانی بل گیٹس نے سابق اہلیہ میلنڈا کے ساتھ دوبارہ شادی کرنے کا خواہش کا اظہار کیا ہے۔

باغی ٹی وی : دی سنڈے ٹائمز کو دیئے گئے انٹرویو میں بل گیٹس نے کہا کہ ان کی شادی شدہ زندگی بڑی اچھی تھی تاہم بچوں کے بڑے ہونے اور گھر چھوڑنے کے بعد ہر شادی تبدیلیوں سے گزرتی ہے اور ہمارے معاملے میں تبدیلی طلاق تھی-

پی ٹی آئی رہنماؤں کے خلاف درج مقدمات فوری واپس لئے جائیں ،انسانی حقوق کمیشن پاکستان کا مطالبہ

بل گیٹس کا کہنا تھا کہ میں کسی اور سے شادی کا انتخاب نہیں کروں گا جی ہاں! میں اسی بارے میں بات کر رہا ہوں کہ کیا میں میلنڈا سے دوبارہ شادی کروں گا؟ مستقبل کے حوالے سے میری کوئی پلاننگ تو نہیں لیکن اگر شادی ہوئی تو میلنڈا کا انتخاب کروں گا۔

انہوں نے مزید کہا کہ وہ "خوش قسمت” محسوس کرتے ہیں کہ انہیں اب بھی اپنی سابقہ ​​بیوی کے ساتھ کام کرنے کا موقع ملتا ہے، انہوں نے مزید کہا، "ہم نے فاؤنڈیشن میں ملازمین کی سالانہ میٹنگ اور گیونگ پلیج اور جون میں سالانہ میٹنگ کی جس کی ہم دونوں نے میزبانی کی-

واضح رہے کہ رواں سال مارچ میں میلنڈا نے بھی اعتراف کیا تھا کہ وہ طلاق کے بعد بھی ایک دوسرے کے دوست ہیں اور ان کے درمیان ورکنگ ریلیشن شپ جاری ہے۔

یاد رہے کہ بل گیٹس اور میلنڈا نے گزشتہ سال مئی میں اعلان کیا تھا کہ وہ اپنی 27 سالہ شادی کے بعد علیحدہ ہورہے ہیں جوڑے نے 7 سال تک ڈیٹنگ کے بعد 1994 میں شادی کے بندھن میں بندھ دیا اور 27 سال کے ساتھ رہنے کے بعد 2021 میں طلاق کا اعلان کیا دونوں کے تین بچے ہیں دو بیٹیاں، جینیفر اور فوبی، اور ایک بیٹا روری۔

مہنگائی کا طوفان ،لیموں 1000 روپے فی کلو ہو گیا