fbpx

بی پاشا باسو نے کیوں پراجیکٹس سائن کرنا بند کر دئیے؟

بالی وڈ کی بولڈ اداکارہ بی پاشا باسو کہتی ہیں کہ جب انہوں نے شادی کی ان کے اور ان کے شوہر نے فیملی بڑھانے کی پلاننگ کی،2016 میں شادی ہوئی اور اب جا کر خدا کی ذات کا ہم پر کرم ہوا ہے۔ بی پاشا نے کہا کہ میں نے اس بچے کے انتظار میں کام کی آفرز بھی قبول کرنا چھوڑ دی تھیں ۔میری بس ایک خواہش تھی کہ میری فیملی بڑھے یہی خواہش میرے گھر والوں کی تھی۔ بی پاشا نے ہندوستان ٹائمزکے ساتھ خصوصی بات چیت کرتے ہوئے کہا کہ وہ دن بہت اہم تھا جب مجھے اور میرے شوہر کو پتہ چلا کہ ہم والدین بننے والے ہیں ۔ یہ خوشخبری جب ہمیں ملی تو ہم

جس کے پاس سب سے پہلے گئے وہ میری والدہ تھی وہ اس خبر کو سن کرمیری طرح جذباتی ہو گئیں ان کی بہت خواہش تھی کہ ہمارے گھر اولاد ہو۔ انہوں نے مزید کہا کہ جب آپ کو زندگی میں کوئی ساتھی دیر سے ملتا ہے اور آپ دیر سے شادی شدہ زندگی شروع کرتے ہیں تو ایسے میں آپ اتنے سمجھدار اور ذمہ دار ہوجاتے ہیں کہ کہ کسی دوسری زندگی کو جنم دے کر دنیا میں لائیں اور اس کی پرور ش کریں۔ یاد رہے کہ بی پاشا باسو اورکرن سنگھ گرورکی ملاقات 2015 کی ہارر فلم ’ایلون‘ کے سیٹ پر ہوئی دونوں میں دوستی محبت میں بدلی تو ایک سال کے بعد شادی کے بندھن میں بندھ گئے۔