بی جے پی لیڈروں کی موت جادو ٹونے سے ہو رہی ہے، کون کر رہا ہے ایسا؟ ہندو لیڈر نے مضحکہ خیز دعویٰ‌ کر دیا

بھارت میں‌ ہندوانتہاپسند تنظیم بی جے پی کی سینئر لیڈر سادھوی پرگیہ ٹھاکر سنگھ نے کہا ہے کہ بی جے پی لیڈروں کی پے در پے موت کے واقعات جادو ٹونے کی وجہ سے ہو رہے ہیں،

باغی ٹی وی کی رپورٹ کے مطابق سادھوی پرگیہ ٹھاکر سنگھ نے عجیب و غریب بیان دیتے ہوئے کہا کہ پہلے منوہر پاریکر اور پھر سشما سوراج، بابو لال گور اور اب ارون جیٹلی مر گئے ہیں، ایسا جادو ٹونے کی وجہ سے ہو رہا ہے، کوئی اعتماد کرے یا نہ کرے لیکن حقیقت یہی ہے اسی لئے ایک کے بعد ایک بی جے پی لیڈر کی موت واقع ہو رہی ہے، یہ بات سادھوی نے ایک عوامی تقریب کے دوران کہی ہے، بی جے پی لیڈر نے اس جادو ٹؤنے کا الزام اپوزیشن پر لگایا ہے اور کہا ہے کہ مجھے ایک ہندو سادھو نے کہا تھا کہ بہت برا وقت چل رہا ہے، اپوزیشن تمہارے اور دیگر بی جے پی لیڈروں کے‌خلاف جادو ٹونا کر رہی ہے، اب میں‌ بی جے پی لیڈروں‌ کو مرتا دیکھ رہی ہوں‌ تو مجھے اس سادھو کی یہ بات یاد آ رہی ہے،

بی جے پی لیڈر سادھوی پرگیہ ٹھاکر سنگھ کے اس بیان کے بعد بی جے پی میں ہلچل مچ گئی ہے جبکہ عوامی سطح‌ پر اسے مضحکہ خیز بات سمجھا جارہا ہے، اس بیان کے عام ہونے کے بعد بی جے پی نے کہا ہے کہ یہ سادھوی کی ذاتی سوچ ہے،