بلیک بیری 5 جی ٹیکنالوجی کے ساتھ ایک بار پھر تہلکہ مچانے کو تیار

بلیک بیری 5 جی ٹیکنالوجی کے ساتھ ایک بار پھر مارکیٹ میں تہلکہ مچانے کو تیار ہے-

باغی ٹی وی : ایک وقت تھا جب بلیک بیری فون کو امارت کا مظہر سمجھا جاتا تھا اپنے سیکیوریٹی فیچرز اور اسمارٹ ایپلی کیشن کی بدولت یہ فون سیلے بریٹیز اور سیاسی شخصیات کی اولین ترجیح ہوا کرتا تھا۔

بعد ازاں نت نئی ٹیکنالوجی اور جدید سمارٹ فونز متعارف ہونے کے بعد یہ جدت سے ہم آہنگ نہ ہونے کی وجہ سے اپنے وقت کا مشہوراور محفوظ ترین فون’ بلیک بیری‘ قصہ پارینہ بن گیا –

میڈیا رپورٹس کے مطابق محفوظ ترین سمجھا جانے والا بلیک بیری ایک بار پھر 5 جی ٹیکنالوجی اوراپنے مخصوص فزیکل کی بورڈ اور اینڈرائیڈ آپریٹنگ سسٹم کے ساتھ مارکیٹ میں تہلکہ مچانے کو تیار ہے۔

رپورٹس کے مطابق بلیک بیری 5 جی کو ایک نئی موبائل کمپنی ’ آن ورڈ موبیلیٹی‘ شیاؤ می، نوکیا، گیمنگ کنسول اور بلیک بیری کے نئے ماڈل بنانے والی کمپنی ’فوکس کون‘ کے اشتراک سے فروخت کے لیے پیش کیا جائے گا۔

بلیک بیری رواں ماہ 2021 کے وسط میں نئی 5 جی ٹیکنالوجی کے ساتھ کانچ کیا جائے گا-

فزیکل کی بورڈ والے اس 5 جی فون کو رواں سال کے وسط میں فروخت کے لیے پیش کیا جائے گا اس کی حتمی قیمت ابھی تک سامنے نہیں آسکی ہے لیکن فیچر کے حساب سے اس کی قیمت 800 امریکی ڈالر یا اس سے زائد ہوسکتی ہے۔

ابتدائی طور پر اس فون کو شمالی امریکا اور یورپ کی مارکیٹ میں پیش کیا جائے گا۔

آن ورڈ موبیلیٹی کے چیف ایگزیکٹو آفیسر پیٹر فرینکلن نے حال ہی میں دیے گئے ایک انٹرویوکہا ہے کہ بلیک بیری5 جی اس سال کی ’گلوبل فلیگ شپ ڈیوائس‘ ثابت ہوگی۔

ان کا کہنا ہے کہ فزیکل کی بورڈ والے اس موبائل فون کو صارفین کی ضروریات کو مد نظر رکھتے ہوئے بلکل نئے سرے سے ڈیزائن کیا جائے گا، طاقت ور بیٹری، زیادہ ریم اور اسٹوریج کے ساتھ اس فون کو اینڈرائیڈ 11 ورژن میں متعارف کروایا جائے گا۔