برطانیہ میں نسلی تعصب کےسائےہرطرف منڈلانےلگے :معروف انگلش کرکٹرکی کالےچہرے والی تصویروائرل
لندن :برطانیہ میں نسلی تعصب کے سائے ہرطرف منڈلانے لگے:معروف انگلش کرکٹر کی کالے چہرے والی تصویر وائرل،اطلاعات کے مطابق اس وقت برطانیہ میں انتہا پسندی عروج پر ہے اوریہ انتہا پسندی نسلی تعصب کی شکل میں بہت زیادہ خطرناک حد تک پہنچ گیا ہے ،
ادھر لندن سے برطانوی میڈیا کا کہنا ہے کہ انگلش کرکٹ ٹیم کے بیٹر ایلکس ہیلز کی کالے چہرے والی تصویر منظر عام پر آنے کے بعد انگلینڈ میں نسلی تعصب کا معاملہ مزید سنگین ہو گیا ہے۔
برطانوی جریدے دی سن کی جانب سے انگلش بلے باز ایلکس ہیلز کی ایک تصویر شائع کی گئی ہے جس میں انہیں دوستوں کے ساتھ کھڑا دیکھا جا سکتاہے، تصویر میں ایلکس ہیلز کو چہرے پر کالے پینٹ کے ساتھ دیکھا جا سکتا ہے۔
یاد رہےکہ چند روز قبل پاکستانی نژاد برطانوی کرکٹر عظیم رفیق نے انگلش اسپورٹس سلیکٹ کمیٹی کے سامنے پیش ہوکر بتایا تھا کہ انہیں مسلسل لفظ ‘پی’ کا سامنا کرنا پڑا جس کے باعث انہوں نے خود کو تنہا اور الگ تھلگ محسوس کیا۔
عظیم رفیق نے پارلیمانی کمیٹی کو بتایا تھا کہ ایلکس ہیلز نے اپنے کالے رنگ کے کتے کا نام ’کیون‘ رکھا کیونکہ کرکٹر گیرے بالانس اس نام کو غیر سفید فام افراد کی توہین کے لیے استعمال کرتے تھے۔
ان کا یہ بھی کہنا تھا کہ یارک شائر کاؤنٹی کا کپتان بنایا گیا تو ڈریسنگ روم کا ماحول خاصہ زہریلا تھا، جو سلوک میرے ساتھ ہوا میں اس کا مستحق نہیں تھا، ایسا ماحول تھا کہ کسی مسلمان کھلاڑی کے روزہ رکھنے پر اُسے ہر غلطی کا ذمہ دار ٹھہرایا جائے گا۔
یاد رہے کہ اس سے قبل انگلینڈ اینڈ ویلز کرکٹ بورڈ (ای سی بی) نے پاکستانی نژاد انگلش کرکٹر عظیم رفیق کے ساتھ نسلی تعصب کا رویہ اختیار کرنے پر انگلش کاؤنٹی کلب یارکشائر کے انٹرنیشنل میچز کی میزبانی پر پابندی عائد کر دی تھی۔
