fbpx

مظفرگڑھ : بین الاضلاعی خطرناک بلیک بیری گینگ کا سرغنہ گرفتار

ڈیرہ غازی خان،باغی ٹی وی (نامہ نگارشہزادخان) مظفرگڑھ، صوبہ بھر کے مختلف اضلاع میں ڈکیتی، قتل، اقدام قتل جیسی سنگین وارداتوں میں ملوث خطرناک بلیک بیری گینگ 40 سے زائد سنگین مقدمات میں ملوث مجرمان اشتہاری سرغنہ سمیت گرفتار تفصیلات کے مطابق ڈی پی او مظفرگڑھ احمد نواز شاہ کی خصوصی ہدایت پر ایس ایچ او تھانہ سٹی مظفرگڑھ افتخار ملکانی نے 40سے زائد سنگین مقدمات میں ملوث مجرمان اشتہاری سرغنہ سمیت گرفتار کرلیا۔ گرفتار مجرمان اشتہاریوں کا صوبہ پنجاب کے مختلف اضلاع میں قتل، اقدام قتل، ڈکیتی کی وارداتوں کے ریکارڈ یافتہ ہیں۔ایک ماہ قبل مجرمان نے بنک سے پیسے لے جانیوالے شہریوں سے تھانہ سول لائنز اور سٹی مظفرگڑھ کے علاقے سے لاکھوں روپے لوٹ لیئے تھے دوران ڈکیتی اندھا دھند فائرنگ کر کے علاقے میں خوف و ہراس پھیلایا تھا۔گرفتار مجرمان نے اس سے قبل ضلع بہاولپور، رحیم یار خان اور ملتان میں دن دیہاڑے تاجروں کو بھی لوٹا تھا۔ اس سے قبل گینگ کے سرغنہ بلیک بیری نے پولیس کو مخبری کرنے والے باپ بیٹے کو بھی قتل کردیا تھا۔ گرفتار مجرمان کو مدعی مقدمات نے دوران شناخت پریڈ مکمل شناخت کیا تھا۔ ایس ایچ او سٹی افتخار ملکانی نے مجرمان کو 15 روز خفیہ طور پر کارروائی کر کے رنگے ہاتھوں گرفتار کیا تھا۔ گرفتار مجرمان نےمظفرگڑھ میں 10لاکھ اور 8 لاکھ کی دو مختلف بڑی وارداتیں کی تھیں۔ رقم کی برآمدگی کیلئے پولیس تفتیش کر رہی ہے۔ خطرناک گینگ کی گرفتاری پر ڈی پی او احمد نواز شاہ نے ایس ایچ او افتخار ملکانی کو 20 ہزار نقد انعام اور تعریفی اسناد کا اعلان کیا ہے۔اس موقع پر ایس ایچ او تھانہ سٹی مظفرگڑھ کا کہنا تھا کہ مظفرگڑھ پولیس ڈسٹرکٹ پولیس آفیسر مظفرگڑھ احمد نواز شاہ کی ہدایت پر عمل کرتے ہوئے عوام الناس کی حفاظت و خدمت اور شہریوں کی جان و مال کی حفاظت کیلئے ہر وقت کوشاں ہے۔