بلوچستان کو پولیو فری صوبہ ہونے کے آج دو سال مکمل

بلوچستان کو پولیو فری صوبہ ہونے کے آج دو سال مکمل ہو گئے. 27 جنوری 2021 سےپولیو کا کوئی نیا کیس رپورٹ نہیں ہوا

بلوچستان کو پولیو فری صوبہ ہونے کے آج دو سال مکمل ہوگئے جہاں پولیو کا آخری کیس 2سال قبل آج ہی کے دن رپورٹ ہواتھا۔ ترجمان ایمرجنسی آپریشن سینٹر برائَے انسداد پولیو بلوچستان کے مطابق بلوچستان میں پولیوکا آخری کیس ضلع قلعہ عبداللہ سے27 جنوری 2021 کورپورٹ ہواتھا جس کےبعد سے اب تک صوبے میں پولیو کا کوئی کیس رپورٹ نہیں ہوااس طرح صوبے کومسلسل2 سال سے پولیو فری صوبہ ہونے کا اعزاز حاصل ہوگیاہے۔

ترجمان ایمرجنسی آپریشن سینٹر کےمطابق بلوچستان کےماحولیاتی سیمپل میں بھی اپریل 2021 سے پولیووائرس نہیں پایاگیا جو کہ انسداد پولیو کے حوالے سے خوش آئند ہے۔ راشد سعید کی رپورٹ کے مطابق بلوچستان میں 2 سال سے پولیو کے کیسز رپورٹ نہ ہونے میں محکمہ صحت کےعلاوہ ضلعی انتظامیہ اور سب سے بڑھ کر انسداد پولیو ورکرز کی انتھک محنت، جدوجہداور عزم شامل ہے۔
مزید یہ بھی پڑھیں
عدالت نے مونس الہٰی کی اہلیہ کے وکیل کو جواب جمع کروانے کیلئے وقت دے دی
قابل اعتراض مواد جو ہٹا سکتے تھے ہٹا دیا،بیرون ملک مواد کیلئے متعلقہ حکام سے رجوع کیا ہے،پی ٹی اے
نگراں کابینہ غیرسیاسی اور غیر جانبدارہوگی، شوکت یوسفزئی
پابندیوں کے باوجود پاکستان روس سے تیل خرید سکتا ہے. امریکہ
نگراں کابینہ غیرسیاسی اور غیر جانبدارہوگی، شوکت یوسفزئی
جس کا اندازہ حال ہی میں ختم ہونےوالی انسداد پولیو مہم سے بھی لگایاجاسکتاہے کہ جس کےدوران سخت موسمی حالات اور برفباری کےباوجود انسداد پولیو ورکرز نے جاں فشانی سے بچوں کو پولیو سے بچاو کے قطرے پلانے کا ہدف حاصل کیا۔ بلوچستان میں انسداد پولیو کے حوالے سے یونیسیف اور ڈبلیو ایچ او کی کاوشیں بھی قابل تعریف رہی ہیں۔ اس سے قبل سال 2020 میں بلوچستان میں پولیو کے 26 اور 2019 میں پولیو کے 12 کیسز رپورٹ ہوئے تھے–