بلیو ورلڈ سٹی کے مالکان کا راولپنڈی پریس کلب حملہ کیس کی سماعت، فیصلہ محفوظ

باغی ٹی وی کی رپورٹ کے مطابق بلیو ورلڈ سٹی کے مالکان کا راولپنڈی پریس کلب حملہ کیس کی سماعت ہوئی،

پریس کلب کے وکیل کے عدالت میں دلائل مکمل ہو گئے جس کے بعد عدالت نے فیصلہ محفوظ کر لیا، پریس کلب کے وکیل ایڈوکیٹ حمیر سلیم چیمیہ نے عدالت میں دلائل دیتے ہوئے کہا کہ پریس کلب پر حملہ آزادی صحافت پر حملہ ہے اگر اس کیس کو مثال نہ بنایا گیا تو ہر شخص پریس کلب پر حملہ کرے گا ،پریس کلب کے آحاطہ میں ہنگامہ آرائی ہوئی جس پر دفعہ 452 لگی ہے

وکیل نے مزید کہا کہ دفعہ 452 ناقابل ضمانت اور ناقابل راضی نامہ دفعہ ہے ،پولیس کی تفتیش میں بھی ملزم قصور وار ثابت ہوا،تفتیشی نے بعد از تفتیش گناہ گار پایا اور ضمانت کی منسوخی کی استدعا کی ،ایسے ملزم کو قانون کے مطابق قبل از گرفتاری ضمانت نہیں دی جاسکتی ہے سپریم کورٹ کا بھی تفصیلی فیصلہ موجود ہے

تفتیشی سب انسپکٹر سعید نے عدالت میں کہا کہ پریس کلب حملہ میں مزید شواہد اکٹھے کرنے کے لیے مہلت دی جائے ،ملزمان سے اسلحہ برآمد ہوا، ڈنڈے اور دیگر الات برآمد کرنے ہیں

ایڈیشنل ڈسٹرکٹ اینڈ سیشن جج خالد محمود چیمیہ نے ریمارکس دیتے ہوئے کہا کہ مزید وقت نہیں دے سکتا آج کیس کا فیصلہ سنایا جائے گا

کیس کی سماعت ایڈیشنل ڈسٹرکٹ اینڈ سیشن جج خالد محمود چیمیہ نے کی

جواب چھوڑیں

آپ کا ای میل ایڈریس شائع نہیں کیا جائے گا.