fbpx

پی سی بی کے بورڈ آف گورنرز کا اجلاس ، 4 رکنی نومینیشن کمیٹی قائم کردی گئی

لاہور : پاکستان کرکٹ بورڈ انتظامی فیصلے ، تبدیلیاں اور تعیناتیاں کرنے میں بہت سرگرم دکھائی دینے لگا ، اسی سلسلے میں‌آج پی سی بی کے بورڈ آف گورنرز کا اجلاس آج نیشنل کرکٹ اکیڈمی لاہور میں ہوا جس میں بی او جی اجلاس میں 4 رکنی نومینیشن کمیٹی قائم کردی گئی

باغی ٹی وی کے مطابق اس کمیٹی میں شاہ ریز عبداللہ خان، بیرسٹر سلمان ، بختیار خواجہ بطور آزاد رکن مومینیشن کمیٹی میں شامل ہیں جبکہ اس کمیٹی کی سربراہی اسد علی خان کریں گے

کرکٹ بورڈ کے فیصلے کے مطابق یہ کمیٹی بورڈ آف گورنرز کے لیے 4 آزاد ڈائریکٹرز، الیکشن کمشنر، ڈپٹی الیکشن کمشنر اور ایڈجوڈیکٹرز کے لیے نام تجویز کرے گی جبکہ ان تمام ناموں کی حتمی منظوری بی او جی دے گی

باغی ٹی وی کے مطابق اجلاس میں نومینیشن کمیٹی کے لیے ٹی او آرز ترتیب دیئے گئے اس کے علاوہ آج کے اس اجلاس میں نئے ڈومیسٹک اسٹرکچر کو متفقہ طور پر منظور کرلیا گیا، بورڈ آف گورنرز نے بی او جی نے مالی سال 2019-20 کے لیے پی سی بی سنٹرل بجٹ سمیت آڈٹ کمیٹی متعدد سفارشات کی منظوری دے دی

چیف ایگزیکٹو پی سی بی وسیم خان نے کرکٹ کمیٹی اجلاس پر بی او جی اراکین کو بریفنگ دی گئی جبکہ وسیم خان نے بی او جی کو قومی کرکٹ ٹیم کی ٹیم منیجمنٹ کے انتخاب کے لیے جاری عمل پر اعتماد میں لیا گیا ،اس اجلاس میں‌بی او جی نے سری لنکا کرکٹ ٹیم کی آمد سے ملک میں انٹرنیشنل کرکٹ کی مکمل بحالی پر پی سی بی کی کاوشوں کو سراہا

باغی ٹی وی کے مطابق اس اجلاس میں بی او جی اراکین کو کرکٹ آسٹریلیا اور انگلینڈ اینڈ ویلز کرکٹ بورڈ کے وفد کی آمد سے متعلق آگاہ کیا، یہ بھی معلوم ہوا کہ کرکٹ آسٹریلیا کے چیئرمین ایرل ایڈنگز اور چیف ایگزیکٹو کیون روبرٹس 16 سے 18 ستمبر تک پاکستان کا دورہ کریں گے

باغی ٹی وی کے مطابق اس اجلاس میں بی او جی نے پی سی بی کے چیئرمین اور چیف ایگزیکٹو کے اختیارات سے متعلق آئین میں تبدیلیوں کی منظوری دیاجلاس میں پی سی بی کے چیف آپریٹنگ آفیسر اور چیف فنانشل آفیسر کے اختیارات سے متعلق بھی آئین میں تبدیلیوں کی منظوری دی گئی