بہت پُرسکون ہوں دوسری شادی کا خیال ذہن میں نہیں آ سکتا ہریتھیک روشن

0
22

بالی وڈ سُپر اسٹار ہریتھیک روشن ریتھک دوسری شادی کے حوالے سے صاف انکار کر تے ہوئے کہنا ہے کہ وہ خود کو بہت پُرسکون محسوس کرتے ہیں لہذا شادی کا خیال ان کا ذہن میں نہیں آ سکتا-

باغی ٹی وی : ہریتھیک روشن نے فیشن ڈیزائنر سوزین خان سے 2000 میں پسند کی شادی کی تھی لیکن شادی کے 14 سال بعد دونوں کے درمیان اختلافات کے سبب علیحدگی ہو گئی اور 2014 میں دونوں نے عدالت سے باقاعدہ طلاق لے لی تھی اور چند عرصہ قبل اپنی سابق
اہلیہ سوزین خان سے دوسری شادی کی افواہیں سرگرم رہ چکی ہیں-

ہریتھک روشن اور سوزین خان کے دو بیٹے ہیں جن کی پرورش کے لیے دونوں نے کوئی کسر نہ چھوڑنے کا اعلان کیا تھا-

بھارتی میڈیا کے مطابق اپنی فلم ’کابل‘ کی ریلیز سے قبل 2017 میں فلم فیئر سے گفتگو کرتے ہوئے ہریتھیک روشن کا کہنا تھا کہ دوبارہ شادی کا خیال ان کے ذہن میں نہیں آسکتا وہ اب خود کو پرسکون محسوس کرتے ہیں۔

خیال رہے کہ اس سے قبل ہریتھیک کی سابقہ اہلیہ سوزین نے ہریتھیک سے دوبارہ شادی کی خبروں پر ردعمل کا اظہار کرتے ہوئے ٹوئٹ کیا تھا کہ میں لوگوں سے درخواست کرتی ہوں کہ وہ قیاس آرائیاں بند کر دیں، ہریتھیک کے ساتھ کبھی صلح نہیں ہو گی لیکن ہم ہمیشہ اچھے والدین رہیں گے۔

Leave a reply