بالی ووڈ اداکار رنبیر کپور کے ہمشکل کشمیری ماڈل جنید شاہ کا انتقال

0
34

بالی ووڈ اداکار رنبیر کپور کے ہمشکل کشمیری ماڈل جنید شاہ کا انتقال

باغی ٹی وی کی رپورٹ کے مطابق سری نگر کے الہی باغ علاقے سے تعلق رکھنے والے معروف اور جوان سال کشمیری ماڈل جنید شاہ کی جمعرات کی شب حرکت قلب بند ہونے سے موت واقع ہوگئی۔

ساوتھ ایشین و ائر کے مطابق جنید شاہ بالی ووڈ اداکار رنبیر کپور کے ہمشکل تھے جس کی وجہ سے انہیں سال 2014 میں سوشل میڈیا پر کافی شہرت حاصل ہوئی تھی اور انہیں ممبئی میں ماڈلنگ کا اسائنمنٹ بھی مل گیا تھا۔خاندانی ذرائع کے مطابق جنید حال ہی میں اپنے علیل والد نثار احمد شاہ کی تیمار داری کے لئے ممبئی سے سری نگر آئے تھے۔

مرحوم کے سابق ہمسایہ اور سینئر صحافی یوسف جمیل نے اپنے ایک ٹویٹ میں کہاکہ ‘ہمارے پرانے ہمسایہ نثار احمد شاہ کے فرزند جنید کی دوران شب حرکت قلب بند ہونے سے موت واقع ہوئی۔ لوگ کہتے ہیں کہ وہ بالی وڈ ادا کار رنبیر کپور کے ہمشکل تھے، میں کہتا ہوں کہ وہ اپنے علیل والد، والدہ اور جملہ اہل خانہ کی امیدوں اور حوصلے کا محور تھے، اللہ مغفرت کرے.

ساوتھ ایشین وائر کے مطابق کہا جاتا ہے کہ جنید شاہ اس وقت شہرت کے آسمان پر ایک تابناک ستارے کی طرح چمکے تھے جب مشہور بالی ووڈ ادا کار آنجہانی ریشی کپور نے اپنی مائیکرو بلاگنگ ویب سائٹ پر ان کا تذکرہ کرتے ہوئے کہا تھا: ‘او میرے خدا، میرے بیٹے کا جڑوا ں ہے اور بہت ہی اچھا جڑواں ہے’

Leave a reply