fbpx

بالی ووڈ بلبلے کی مانند ہے پراچی ڈیسائی

بالی وڈ اداکارہ پراچی ڈیسائی نے انکشاف کیا ہےکہ ایک مرتبہ انہیں بولڈ مناظر شوٹ کرانے سے انکار کرنے پر فلم سے نکال دیا گیا تھا۔

باغی ٹی وی : بھارتی میڈیا کے طابق ایک انٹرویو میں پراچی ڈیسائی نے کہا کہ مجھے کچھ مناظر عکس بند کرانے سے انکار پر فلم سے نکال دیا گیا یہ ہے فلم انڈسٹری، جس میں فلم میکر اتنے بھی اچھے نہیں کہ وہ کسی کو فلم سے نکالنے کی وجہ ہی بتادیں۔

پراچی ڈیسائی کا کہنا تھا کہ جب وہ انڈسٹری میں نئی آئیں تو اپنے سر کو چھپا کر رکھتی تھی انہیں سمجھ نہیں آتا تھا کہ جب لوگ کہتے تھے کہ یہ کافی دلکش ایہ اُتنی بے باک نہیں جتنی ہم چاہتے ہیں اسے مزید بے باک گانے فلمانے کی ضرورت ہے یہ میں آج تک سمجھ نہیں پائی کہ مجھے یہ بولڈ مناظر اور بولڈ گانے کس کے لیے شوٹ کروانے تھے؟-

پراچی ڈیسائی نے بالی ووڈ کو بلبلے سے تعبیر کیا اور کہا کہ یہاں آپ کو ویسا ہی بننا پڑتا ہے جیسے کچھ فلمی صنعت سے وابستہ کاروباری لوگ چاہتے ہیں ہم اداکاراؤں کو مرد کی نظر سے دیکھا جاتا ہے اور کہا جاتا ہے کہ آپ بہت ہاٹ نہیں، آپ کو مزید ہاٹ ہونے کی ضرورت ہے۔

اداکارہ کا کہنا تھا کہ ایک مرتبہ فلم کی شوٹنگ شروع ہونے سے 6 روز قبل انہیں پتہ چلا کہ وہ فلم میں کام نہیں کررہیں جس کی وجہ یہی تھی کہ میں نے بولڈ مناظر سے انکار کیا تھا۔

انہوں نے مزید بتایا کہ اب بھی کچھ تبدیل نہیں ہوا ہے اور چند ماہ قبل بھی میرے ساتھ ایسا ہی واقعہ پیش آیا ہے۔

جواب چھوڑیں

آپ کا ای میل ایڈریس شائع نہیں کیا جائے گا.