fbpx

بالی ووڈ میں لیجنڈری سری دیوی کے بعد کامیڈی کرنے والی واحد اداکارہ ہوں کنگنا رناوت

بالی وڈ کوئین ادکارہ کنگنا رناوت نے خود کو سری دیوی کے بعد ہندی فلموں میں کامیڈی کرنے والی واحد اداکارہ قرار دیا ہے-

باغی ٹی وی : اپنے متنازع بیانات کے سبب خبروں کی زینت بنی رہنے والی کنگنا رناوت نے حال ہی میں اپنی بالی وڈ فلم تنو ویڈ منو کے 10 سال مکمل ہونے پر فلم کے ایک سین کی تصویر ٹوئٹر پر شیئر کی۔


کنگنا نے تصویر شئیر کرتے ہوئے اپنے ٹویٹ میں لکھا کہ میں تیز اور اعصاب شکن کرداروں میں پھنس گئی تھی، اس فلم نے میرے کیریئر کی سمت کو تبدیل کیا، میں نے کوئین ، دتو اور کامیڈی کے ساتھ مرکزی دھارے میں انٹری دی اور مزاح کے وقت کو بہتر کیا اور لیجنڈری سری دیو کے بعد کامیڈی کرنے والی واحد اداکارہ بن گئی۔

واضح رہے کہ اس سے قبل کنگنا رناوت خود کو ٹام کروز سے بہتر اسٹنٹ پرفارمر اور ہالی وڈ کی لیجنڈ اداکارہ میریل اسٹریپ اور اداکارہ گال گیڈٹ کی طرح ایکشن اورگلیمر دکھانے کی صلاحیتیں رکھنے کا دعویٰ کر چکی ہیں جس پر انہیں شدید تنقید اور طنزو مزاح کا سامنا بھی کرنا پڑا-

اداکارہ کا یہ بھی کہنا تھا کہ بالی وڈ کے بہت سے نامور فلمسازوں نےاپنے کیرئیر کی ابتدا میرے ساتھ کی میرے ساتھ اپنے کیرئیر کی شروعات کرنے والے یہ ہدایتکار جب کامیاب ہوجاتے ہیں تو اُن کی پوری توجہ خانوں، کپورز اور کماروں پر ہوتی ہے۔

خیال رہے کہ 2011 میں ریلیز ہونے والی بالی وڈ فلم ‘تنو ویڈز منو ریٹرنز’ میں کنگنا رناوت نے ڈبل کردار ادا کیا تھا جب کہ رنگ ناتھ مدھاون اس میں اہم کردار میں سامنے آئے تھے۔

سوشل میڈیا پر تنقید: کنگنا رناوت کو ٹام کروز سے متعلق بیان پر وضاحت دینا پڑ گئی

ہندی سینما کے بہت سے اعلیٰ فلمسازوں نے اپنے کیرئیر کا آغاز میرے ساتھ کیا کنگنا رناوت کا دعویٰ

ٹام کروز سے بہتر اداکارہ ہونے کا دعویٰ کنگنا رناوت طنز وتضحیک کا نشانہ بن گئیں

جواب چھوڑیں

آپ کا ای میل ایڈریس شائع نہیں کیا جائے گا.