پنجاب باکسنگ کوچنگ کیمپ 20 نومبر سے فیصل آباد میں شروع ہوگا

فیصل آباد(عثمان صادق) پنجاب باکسنگ کوچنگ کیمپ 20 نومبر سے فیصل آباد میں شروع ہوگا سیکرٹری میڈیا کوآرڈینیٹرز پنجاب باکسنگ ایسوسی ایشن محمد زبیر رشید کے مطابق پنجاب باکسنگ ایسوسی ایشن کے زیر اہتمام پنجاب باکسنگ کوچنگ کیمپ 20 تا 28 نومبر 2021ء کو اولمپئن عثمان اللہ خان سپورٹس ہال کلیم شہید پارک نڑ والا روڈ فیصل آباد میں منعقد ہوگا۔کیمپ پنجاب کے نو ڈویژنز راولپنڈی، گوجرانولہ، لاھور، سرگودھا، ساہیوال، ملتان، فیصل آباد، ڈیرہ غازی خان اور بہاولپور سے ٹرائلز کے بعد 26 مرد اور 10 خواتین باکسرز کو منتخب کیا گیا تھا۔ سیکرٹری جنرل پنجاب باکسنگ ایسوسی ایشن کرنل ریٹائرڈ محمد ناصر اعجاز تنگ نے محمد زبیر رشید کو ہیڈ کوچ مقرر کیا ہے فائنل ٹرائلز میں کامیاب باکسرز 30 نومبر تا5دسمبر تک لاھور میں منعقدہ ڈی ایچ اے نیشنل باکسنگ چیمپئن شپ میں پنجاب کی نمائندگی کریں گے۔