چودھری پرویز الہٰی کو کوٹ لکھپت جیل سے رہا کردیا گیا۔
جیل حکام کے مطابق تمام کیسز میں رہائی ملنے کے بعد چودھری پرویز الہٰی کو رہا کیا گیا۔پرویز الہیٰ کوٹ لکھپت جیل سے رہا ہوکر ظہور الہی پیلس پہنچ گئے۔چودھری پرویز الہیٰ کا گھر پہنچنے پر اہلیہ قیصرہ الہیٰ نے استقبال کیا، پرویز الہیٰ کی رہائی کے بعد کی تصویر بھی سامنے آ گئی ہے
شجاعت صاحب کے بچوں سے اس وقت تک کوئی بات نہیں ہو گی جب تک ہمارا مینڈیٹ واپس نہیں ہو گا،پرویز الہیٰ
چوہدری پرویز الہی کا کہنا ہے کہ اللہ کا شکر ہے جس نے مجھے سرخرو کیا،اللہ پاک نے مجھے حوصلہ دیا کہ میں ثابت قدم رہوں،میں ان ججوں کا مشکور ہوں جنہوں نے حق اور سچ کا ساتھ دیا اور مجھے رہائی ملی،میں ان سب لوگوں کا مشکور ہوں جنہوں نے میرے لیے دعائیں کیں اور اس مشکل وقت میں میرا ساتھ دیا،گجرات کے لوگوں کو بہت زیادتیاں اور ظلم سہنا پڑا،گجرات میں ہمارا مینڈیٹ تک چرایا گیا،شجاعت صاحب کے بچوں سے اس وقت تک کوئی بات نہیں ہو گی جب تک ہمارا مینڈیٹ واپس نہیں ہو گا،گجرات میں جن لوگوں کے ساتھ زیادتیاں ہوئیں وہ جب تک معاف نہیں کریں گے تب تک ان سے کوئی بات نہیں ہو گی,مجھے پکڑوانے میں اور میرے ساتھ زیادتی کرنے میں سب سے زیادہ اہم کردار محسن نقوی کا رہا ہے۔میں عمران خان کے ساتھ تھا، ہوں اور انشاء اللہ رہوں گا
اللہ پاک کا بہت شکر ہے کہ مجھے سرخرو کیا۔اللہ پاک نے مجھے حوصلہ دیا کہ میں ثابت قدم رہوں۔میں ان ججوں کا مشکور ہوں جنہوں نے حق اور سچ کا ساتھ دیا اور مجھے رہائی ملی۔میں ان سب لوگوں کا مشکور ہوں جنہوں نے میرے لیے دعائیں کی اور اس مشکل وقت میں میرا ساتھ دیا۔گجرات کے لوگوں کو بہت… pic.twitter.com/5OZREUn3xR
— Ch Parvez Elahi (@ChParvezElahi) May 21, 2024
خیال رہے کہ لاہور ہائیکورٹ نے پنجاب اسمبلی میں بھرتیوں کے کیس میں سابق وزیراعلیٰ پنجاب چودھری پرویزالہیٰ کی درخواست ضمانت منظورکی تھی،پرویز الہیٰ کی چار مقدمات میں ضمانت منظور ہونے کے بعد رہائی ہوئی ہے.
