190 ملین پاؤنڈز ریفرنس،حتمی فیصلے سے اسلام آباد ہائیکورٹ نے روک دیا
اسلام آباد ہائیکورٹ، 190 ملین پاؤنڈ کیس میں اہم پیش رفت سامنے آئی ہے،بانی پی ٹی آئی عمران خان اور بشری بی بی کی بریت کی درخواستوں پر سماعت ہوئی ہے
اسلام آباد ہائیکورٹ کے چیف جسٹس عامر فاروق اور جسٹس میاں گل حسن اورنگزیب نے سماعت کی،اسلام آباد ہائیکورٹ نے 190 ملین پاؤنڈز ریفرنس کا حتمی فیصلہ دینے سے روک دیا،پی ٹی آئی وکیل خالد یوسف چوہدری کے مطابق، القادر ٹرسٹ،190 ملیں پاونڈ کیس میں 26 ستمبر تک حکم امتناع جاری کر دیا گیا ہے، اسلام آباد ہائیکورٹ نے مقامی عدالت کو تمام ریکارڈ جمع کروانے کا حکم دیا ہے
عمران خان اور ان کی اہلیہ بشریٰ بی بی نے 190 ملین پاؤنڈ کے نیب کیس میں اسلام آباد ہائی کورٹ میں درخواست دائر کی تھی، انہوں نے احتساب عدالت کی جانب سے بریت کی درخواست مسترد کرنے کے فیصلے کے خلاف چیلنج دائر کیا ہے۔اسلام آباد ہائی کورٹ میں دائر کی گئی درخواست میں بیرسٹر سلمان صفدر اور خالد یوسف چودھری ایڈوکیٹ نے موقف اختیار کیا ہے کہ احتساب عدالت نے ان کی بریت کی درخواست کو مسترد کر کے انصاف کی خلاف ورزی کی ہے۔ درخواست میں کہا گیا ہے کہ پٹیشنرز کے خلاف ایسا کوئی مواد موجود نہیں جو ان کے خلاف سزا کی بنیاد بن سکے۔ اس لیے، ان کا دعویٰ ہے کہ ان کو بریت دی جانی چاہیے تھی جو احتساب عدالت نے نہیں دی۔درخواست میں اسلام آباد ہائی کورٹ سے استدعا کی گئی ہے کہ وہ احتساب عدالت کے 12 ستمبر کے فیصلے کو کالعدم قرار دے کر عمران خان اور بشریٰ بی بی کو اس مقدمے سے بری کریں۔ ٹرائل کورٹ میں جاری ٹرائل پروسیڈنگز کو روکنے کے لیے بھی متفرق درخواست دائر کی گئی ہے۔ اس درخواست میں استدعا کی گئی ہے کہ احتساب عدالت میں ٹرائل کو اس وقت تک روک دیا جائے جب تک ہائی کورٹ بریت کی درخواست پر فیصلہ نہیں سناتی۔اس درخواست کے ساتھ ہی عدالت نے یہ بھی درخواست کی ہے کہ ہائی کورٹ کے فیصلے کے بعد ہی مزید کارروائی کی جائے تاکہ انصاف کا تقاضہ پورا کیا جا سکے۔
اسرائیل کی عمران خان سے امیدیں ،گولڈسمتھ خاندان کااہم کردار
عمران خان بطور وزیراعظم اسرائیل کے ساتھ سفارتی تعلقات قائم کرنے کیلئے تیار تھے،دعویٰ آ گیا
اسرائیل کوتسلیم کرنےکی مہم میں عمران خان ٹرمپ کےساتھ تھا:فضل الرحمان
