آمدن سے زائد اثاثہ جات کیس: عدالت سے تازہ ترین خبر آگئی

لاہور (اے پی پی ) آمدن سے زائد اثاثہ جات کیس میں فواد حسن فواد کے جوڈیشل ریمانڈ میں 11 روز کی توسیع کردی گئی ہے.

تفصیلات کے مطابق لاہور کی احتساب عدالت نے آمدن سے زائد اثاثہ جات کیس میں گرفتار سابق وزیراعظم نوازشریف کے پرنسپل سیکرٹری فواد حسن فواد کے جوڈیشل ریمانڈ میں گیارہ روز کی توسیع کردی ہے، احتساب عدالت کے جج نعیم ارشد ملک نے کیس کی سماعت کی، جیل حکام نے فواد حسن فواد کو عدالت کے روبرو پیش کیا، پراسیکیویشن کی طرف سے ملزم کے جوڈیشل ریمانڈ میں توسیع کی استدعا کی گئی، جس پرعدالت نے فواد حسن فواد کے جوڈیشل ریمانڈ میں مزید 11 روز کی توسیع کرتے ہوئے ملزم کو دوبارہ 02 ستمبر کو عدالت میں پیش کرنے کا حکم دیتے ہوئے نیب کے تفتیشی افسر سے مکمل رپورٹ طلب کر لی.

دوسری جانب آمدن سے زائد اثاثہ جات کیس میں نیب کی جانب سے فواد حسن فواد کے خلاف ریفرنس دائر کیا جا چکا ہے، نیب حکام کے مطابق فواد حسن فواد نے 4 ارب 56 کروڑ 51 لاکھ 26 ہزار 904 روپے کے اخراجات کئے، راولپنڈی 15 منزلہ لگثری شاپنگ مال، حیدر روڈ پلاٹ کے اثاثے بنائے جبکہ جہانگیر صدیقی گروپ کے بنک سے 3 ارب 45 کروڑ کا قرض ظاہر کیا، ایف بی آر ریکارڈ کے مطابق فیملی سیونگ 2 کروڑ 54 لاکھ 80 ہزار 822 روپے ہے.

جواب چھوڑیں

آپ کا ای میل ایڈریس شائع نہیں کیا جائے گا.