fbpx

صدر مملکت نے دستخط کردیئے،جنرل عاصم منیر نئے آرمی چیف تعینات

باغی ٹی وی کی رپورٹ کے مطابق نامزد آرمی چیف اور چیئرمین جوائنٹ چیفس آف سٹاف کی صدر اور وزیراعظم سے الگ الگ ملاقاتیں ہوئی ہیں

نامزد چیئرمین جوائنٹ چیفس آف اسٹاف کمیٹی ساحر شمشاد مرزا ایوان صدر پہنچ گئے ،صدر مملکت سے نامزد چیئرمین جوائنٹ چیفس آف اسٹاف کمیٹی ساحر شمشاد مرزا کی ملاقات ہوئی ہے ،نئے آرمی چیف جنرل عاصم منیر کی ایوان صدر آمد ہوئی ہے،صدر مملکت سے نئے آرمی چیف سید عاصم منیر کی ملاقات ہوئی ہے

وزیراعظم شہباز شریف سے نئے آرمی چیف جنرل عاصم منیر کی ملاقات ہوئی ہے،وزیراعظم شہباز شریف نے جنرل عاصم منیر کو بطور آرمی چیف مقرر ہونے پر مبارکباد دی ،وزیراعظم شہباز شریف نے نئے آرمی چیف کے لئے نیک خواہشات کا اظہار کیا ،وزیراعظم سےچیئرمین جوائنٹ چیفس آف اسٹاف کمیٹی جنرل ساحر شمشاد مرزاکی بھی ملاقات ہوئی ہے، وزیراعظم شہبازشریف نے جنرل ساحر شمشاد مرزا اور جنرل سید عاصم منیر کو مبارکباد دی اور کہا کہ امید ہے آپ کی سربراہی میں مسلح افواج قومی سلامتی کو درپیش چیلنجز سے احسن انداز میں نمٹیں گی،مسلح افواج ملک سے دہشتگردی کی عفریت کو مکمل ختم کرنے میں اہم کردار ادا کرتی رہیں گی

ایوان صدر سے جاری اعلامیہ کے مطابق صدر نے لیفٹیننٹ جنرل سید عاصم منیر کی فی الفور جنرل کے عہدے پر ترقی اور بطور چیف آف آرمی اسٹاف تعیناتی کر دی ،بطور چیف آف آرمی اسٹاف تعیناتی کا اطلاق 29 نومبر 2022 سے ہوگا،صدر مملکت نے لیفٹیننٹ جنرل ساحر شمشاد مرزا کی جنرل کے عہدے پر ترقی کی منظوری دیدی، بطور چیئرمین جوائنٹ چیفس آف اسٹاف کمیٹی تعیناتی کا اطلاق 27 نومبر 2022 ء سے ہوگا،صدر مملکت نے ترقیاں اورتعیناتیاں آئین کے آرٹیکل 243 چار اے اور بی کے تحت کیں،

بطور چیئرمین جوائنٹ چیفس آف اسٹاف کمیٹی تعیناتی کا اطلاق 27 نومبر 2022 سے ہوگا

قبل ازیں صدر مملکت ڈاکٹر عارف علوی نے آرمی چیف کی تعیناتی کی سمری پر دستخط کر دئیے ،جنرل عاصم منیر چیف آف آرمی سٹاف پاکستان مقررکر دیئے گئے،صدر عارف علوی نے آرمی چیف اور جوائنٹ چیف آف سٹاف کی سمری پر دستخط کر دیئے ہیں جس کے بعد جنرل عاصم منیر نئے آرمی چیف اور جنرل ساحر شمشاد چیئرمین جوائنٹ چیفس آف اسٹاف کمیٹی بن گئے ہیں

صدر مملکت اہم تعیناتیوں کی سمری موصول ہونے کے بعد عمران خان سے ملنے ہنگامی طور پر لاہور آئے تھے ،عمران خان سے 45 منٹ کی ملاقات کے بعد صدر مملکت واپس گئے اور ایوان صدر پہنچتے ہی سب سے پہلے انہوں نے سمری پر دستخط کئے،

قبل ازیں وزیرداخلہ رانا ثنا اللہ نے کہا ہے کہ کابینہ نے پہلے مرحلے میں جنرل عاصم منیر کی ریٹائرمنٹ کی تاریخ میں توسیع کی، پھر انہیں جنرل کے عہدے پر ترقی دی گئی اس کے بعد تیسرے قدم کے طور پر انہیں آرمی چیف مقرر کیا گیا۔ اب آرمی چیف کا عہدہ سنبھالنے تک جنرل عاصم منیر کی سروس کو تحفظ حاصل ہوگیا

پاک فوج کے نامزد سربراہ جنرل عاصم منیر بہترین پیشہ وارانہ کیریئر کے حامل
پاک فوج کے نامزد سربراہ جنرل عاصم منیر بہترین پیشہ وارانہ کیریئر کے حامل ہیں،فور اسٹار جنرلز کی تعیناتی کی سنیارٹی لسٹ میں جنرل عاصم منیرپہلے نمبر پر تھے لیفٹیننٹ جنرل عاصم منیر نے کور کمانڈ کی، آئی ایس آئی اور ملٹری انٹیلی جنس کے سربراہ رہے لیفٹیننٹ جنرل عاصم منیر نے آفیسرز ٹریننگ سکول سے تربیت مکمل کی لیفٹیننٹ جنرل عاصم منیر نے پاک فوج کی فرنٹیئر فورس رجمنٹ میں کمیشن حاصل کیا لیفٹیننٹ جنرل عاصم منیر 2014 میں کمانڈر فورس کمانڈ ناردرن ایریا تعینات ہوئے لیفٹیننٹ جنرل عاصم منیر 2017 میں ڈی جی ملٹری انٹیلی جنس کے عہدے پر فائز ہوئے لیفَٹیننٹ جنرل عاصم کو اکتوبر 2018 میں ڈی جی آئی ایس آئی تعینات کیا گیا،لیفَیننٹ جنرل عاصم منیر جون 2019 میں کور کمانڈر گوجرانوالہ کے عہدے پر تعینات ہوئے لیفٹیننٹ جنرل عاصم منیر اکتوبر 2021 سے جی ایچ کیو میں کوارٹر ماسٹر جنرل کے فرائض سرانجام دے رہے ہیں لیفٹیننٹ جنرل عاصم منیر حافظ قرآن ہیں اور انہیں دوران تربیت اعزازی شمشیر سے بھی نوازا گیا

نامزد چیئرمین جوائنٹ چیفس آف اسٹاف کمیٹی جنرل ساحر شمشاد مرزا بہترین پیشہ وارانہ کیریئر کے حامل
نامزد چیئرمین جوائنٹ چیفس آف اسٹاف کمیٹی جنرل ساحر شمشاد مرزا بہترین پیشہ وارانہ کیریئر کے حامل ہیں،فور اسٹار جنرلز کی تعیناتی کی سنیارٹی لسٹ میں جنرل ساحر شمشاد مرزادوسرے نمبر پر تھے لیفٹیننٹ جنرل ساحر شمشاد مرز انے پی ایم اے سے تربیت مکمل کرکے پاک فوج میں شمولیت اختیار کی لیفٹیننٹ جنرل ساحر شمشاد مرزا نے اپنے فوجی کیرئیر کا آغاز 8سندھ رجمنٹ سے کیا لیفٹیننٹ جنرل ساحرشمشاد مرزا ستمبر 2012سے کور کمانڈر راولپنڈی فرائض سرانجام دے رہے ہیں لیفٹیننٹ جنرل ساحر شمشاد مرزا جون 2019 میں چیف آف جنرل ا سٹاف کے عہدے پر فائز ہوئے لیفٹیننٹ جنرل ساحر شمشاد مرزا نے مختصر مدت کیلئے ایڈجوٹنٹ جنرل جی ایچ کیو بھی خدمات انجام دیں لیفٹیننٹ جنرل ساحر شمشاد مرزا اکتوبر 2018میں وائس چیف آف جنرل اسٹاف تعینات ہوئے ،لیفٹیننٹ جنرل ساحر شمشاد مرزا نے 2015سے 2018 تک ڈی جی ملٹری آپریشنز خدمات انجام دیں ،لیفٹیننٹ جنرل ساحر شمشاد مرزا گلگت بلتستان اصلاحات کمیٹی کابھی حصہ رہے، لیفٹیننٹ جنرل ساحر شمشاد مرزا نے جی او سی 40 انفینٹری ڈویژن اوکاڑہ کی خدمات بھی انجام دیں

بیرونی سازش ہو اور فوج خاموشی سے بیٹھی رہے، یہ گناہ کبیرہ ہے،آرمی چیف

سینئرصحافی و اینکر پرسن مبشر لقمان نے سابق وزیراعظم عمران خان کے حوالہ سے اہم انکشافات کئے ہیں

وزیراعظم شہباز شریف سے چیئرمین جوائنٹ چیفس آف اسٹاف کمیٹی جنرل ندیم رضا کی الوداعی ملاقات

آرمی چیف نے مختلف فارمیشنز کے الوداعی دوروں کے ایک حصے کے طور پر سیالکوٹ اور منگلا گیریژن کا دورہ کیا۔

عمران خان کے فوج اور اُس کی قیادت پر انتہائی غلط اور بھونڈے الزامات پر ریٹائرڈ فوجی سامنے آ گئے۔

القادر یونیورسٹی کا زمین پر تاحال کوئی وجود نہیں،خواجہ آصف کا قومی اسمبلی میں انکشاف