انسانی سمگلنگ کا الزام، صارم برنی گرفتار

انسانی سمگلنگ کے الزام میں صارم برنی ٹرسٹ کے سربراہ صارم برنی کو گرفتار کر لیا گیا ہے

امریکی حکومت کی شکایت پر صارم برنی کو شہر قائد کراچی سے گرفتار کیا گیا ہے، صارم برنی کو ایف آئی اے نے تحویل میں لیا،ایف آئی اے حکام کے مطابق صارم برنی کو انسانی اسمگلنگ کے الزام میں حراست میں لیا گیا۔وہ امریکہ سے کراچی واپس پہنچے تھے، صارم برنی کو امریکی حکومت کی شکایت پر حراست میں لیا گیا۔صارم برنی پر انتہائی سنگین نوعیت کےالزامات ہیں، کافی عرصےسے ایف آئی اے صارم برنی کی نقل وحرکت پرنظررکھ رہی تھی، آج انہیں حراست میں لیا گیا ہے

میڈیا رپورٹس کے مطابق صارم برنی نے 30 بچے امریکا منتقل کئے ہیں، صارم برنی پر امریکا میں کئی بچوں کی فروخت کے الزامات ہیں جس کی وجہ سے امریکی حکومت نے پاکستان کو آگا ہ کیا تھا، امریکی حکومت کی شکایت پر انہیں گرفتار کیا گیا،ایف آئی اے حکام کا کہنا ہے کہ بچوں کو جن لوگوں کے حوالے کیا گیا ان کا بھی ڈیٹا جمع کیا جا رہا ہے