ماحولیاتی زہرسے انسانی جانوں کو خطرات لاحق ہوگئے ،جانیئے رپورٹ میں

ملتان :تمام تر حکومتی پابندیوں کے فیکٹریوں اوربھٹوں کادھواں ماحول میں زہرگھولنے لگا۔محکمہ ماحولیات کی ہدایت کے بعدبھی ملتان میں زگ زیگ بھٹے نہ بن سکے ۔

ملتان سے ذرائع کے مطابق محکمہ ماحولیات کی جانب سے شہر بھر میں موجود تمام بھٹوں کو ماحول دوست یعنی زگ زیگ طرز پربنانے کا حکم جاری کیا گیاتھا مگر ایک عرصہ گزر جانے کے باوجود ملتان میں زگ زیگ بھٹے نہ بنائے جا سکے۔

حکومتی پالیسی سے متعلق بات کرتے ہوئے بھٹہ مالکان کا کہنا ہے کہ زگ زیگ بھٹے عام بھٹوں کی نسبت کافی مہنگے ہیں،ملتان شہر میں اب تک جن افراد نے زگ زیگ طرز کے بھٹے بنائے ہیں وہ کامیاب نہیں رہے۔

بھٹہ مالکان کاکہناہے کہ جب حکومت ہدایت کرے گی تووہ سموگ سے بچاؤ کیلئے اپنے بھٹے دو ماہ کیلئے بندکردیں گے۔لیکن اس سے اینیٹیں مزید مہنگی ہوجائیں‌گی