برطانیہ کا پاکستان کے سیلاب متاثرین کے لیے امداد کا اعلان

0
54

اسلام آباد:برطانیہ نے پاکستان کو مادی سرگرمیوں کے لیے 1.5 ملین پاؤنڈز دینے کا اعلان کیا ہے۔تفصیلات کے مطابق پاکستان کے جنوب میں سیلاب سے کم از کم 900 افراد کی ہلاکت کے بعد برطانیہ پاکستان کو فوری امداد فراہم کر رہا ہے۔

 

سیلاب سے متاثرہ آخری آدمی کی بحالی تک چین سے نہیں بیٹھیں گے،آرمی چیف

برطانوی ہائی کمیشن نے کہا کہ مون سون کی شدید بارشوں نے لاکھوں افراد کو متاثر کیا ہے، پاکستان میں 700,000 گھر تباہ ہو گئے ہیں، اس قدرتی آفت کے مقابلے کے لیے برطانیہ امدادی سرگرمیوں کی مد میں 1.5 ملین پاؤنڈز امداد فراہم کرے گا۔

 

ہائی کمیشن نے کہا کہ اقوام متحدہ رواں ہفتے کے آخر میں پاکستان میں آفت کے باعث ضروریات کا جائزہ لے رہا ہے، توقع ہے کہ منگل کو اقوام متحدہ کی (پاکستان کی امداد کے لیے) اپیل شروع کی جائے گی۔

 

 

نمائندہ خصوصی برائے برطانوی وزیراعظم لارڈ طارق احمد کا کہنا ہے کہ پاکستان میں سیلاب نے مقامی کمیونٹیز کو تباہ کر دیا ہے، برطانیہ فوری بعد میں مدد کے لیے 1.5 ملین پاؤنڈ تک فراہم کر رہا ہے۔

لارڈ طارق احمد نے کہا کہ ہم اس تباہی کا مشاہدہ کر رہے ہیں جو موسمیاتی تبدیلی کا سبب بن سکتی ہے، یہ کس طرح سب سے زیادہ کمزور لوگوں کو متاثر کرتی ہے، میرے خیالات اور دعائیں تمام متاثرین اور ان کے اہل خانہ کے ساتھ ہیں۔

Leave a reply