fbpx

برٹش کونسل کی زیرنگرانی انٹرنیشنل سکول ایوارڈ پروگرام کے تحت چک چٹھہ میں تقریب

برٹش کونسل کی زیرنگرانی جاری انٹرنیشنل سکول ایوارڈ پروگرام کے تحت چک چٹھہ میں تقریب

برٹش کونسل کی زیرنگرانی جاری انٹرنیشنل سکول ایوارڈ پروگرام کے تحت ضلع حافظ آباد کے نواحی گاوں چک چٹھہ میں واقع گورنمنٹ ایلیمنٹری سکول چک چٹھہ میں ہیلپنگ ہینڈز کے نام سے ایک اخلاقی سرگرمی انعقاد پذیر ہوئی۔

تقریب میں علاقہ کی علمی و سماجی شخصیات نے طلباء سے خطاب کیا اور انہیں ایک دوسرے کی مدد کرنے کی تلقین کی۔ تقریب سے خطاب کرتے ہوئے یوتھ ایکٹیوسٹ حسن ساجد نے اسلامی واقعات کی روشنی میں جذبہ ایثار کی ضرورت و اہمیت پر زور دیا۔ اور سکول انتظامیہ کے تعمیری کردار کو سراہتے ہوئے کہا کہ ایسی سرگرمیاں بچوں میں معاشرے کے ضرورت مند افراد کی مدد کا جذبہ پیدا کرنے اور انہیں وطن عزیز کے ذمہ دار اور فرض شناس بننے میں مدد فراہم کریں گی۔ تقریب کے اختتام پر انٹرنیشنل سکول کوآڈینٹر ملک بلال حیدر اعوان نے سکول اسٹیشنری ضرورت مند بچوں میں تقسیم کی تاکہ بچے انکی عملی مثال کی پیروی کریں۔

آنیوالے مہمانوں نے سکول ہیڈ ماسٹر محمد اکرم جنجوعہ، ڈپٹی ہیڈ ماسٹر طارق جاوید لنگاہ اورتمام اسکول اسٹاف کو خراج تحسین پیش کیا جو بچوں کی نصابی تشنگی دور کرنے کے ساتھ ساتھ انکی اخلاقی و تمدنی تربیت پر بھی خاص توجہ دے رہے ہیں۔