fbpx

برطانوی وزیراعظم نے وزیرخارجہ کی چھُٹی کرا دی

لندن :برطانوی وزیراعظم نے وزیرخارجہ کی چھُٹی کرا دی ،اطلاعات کے مطابق وزیراعظم کی طرف سے اس فیصلے نے سب کو ہلا کررکھ دیا ہے ،صرف وزیرخارجہ ہی نہیں بلکہ ربرطانوی وزیراعظم بورس جانسن نے کابینہ میں مزید بڑی تبدیلیاں کردی ہیں۔

برطانوی نشریاتی ادارےکے مطابق وزیر خارجہ ڈومینک راب سے وزارت خارجہ لےکر انہیں وزیر برائے انصاف اور نائب وزیراعظم مقرر کیا گیا ہے۔

 

 

ڈومینک راب کی جگہ لِز ٹرس کو وزیر خارجہ مقرر کیا گیا ہے،اس سے قبل وہ وزیر تجارت کی حیثیت سے خدمات انجام دے رہی تھیں۔

برطانوی وزیراعظم بورس جانسن نے تعلیم کے وزیرگیوِن ولیمسن ، وزیر انصاف رابرٹ بکلینڈ اور ہاؤسنگ کے وزیر رابرٹ جینرک کو کابینہ سے فارغ کردیا ہے۔

وزیراعظم ہاؤس آفس کے مطابق وزیر داخلہ پریتی پٹیل اور وزیر خزانہ رشی سونک اپنے عہدوں پر ذمہ داریاں سرانجام دیتے رہیں گے۔

Facebook Notice for EU! You need to login to view and post FB Comments!