بھائی کے ہاتھوں بھائی کا بہیمانہ قتل،شرمناک وجہ سامنے آگئی

کراچی: بھائی کے ہاتھوں بھائی کا بہیمانہ قتل ، شرمناک وجہ سامنے آگئی ،اطلاعات کے مطابق شہر قائد کے علاقے منگھوپیر میں بھائی نے بھائی کو معمولی بات پر قتل کردیا۔پولیس کے مطابق ملزم نے قتل کے بعد واقعہ کو ڈکیتی مزاحمت کا رنگ دینے کی ناکام کوشش کی۔

ذرائع کے مطابق کراچی کے علاقے منگھوپیر میں بھائی نے فیس واش استعمال کرنے پر بھائی کو قتل کردیا، ملزم نے گزشتہ روز بھائی کو چھری اور ڈنڈے مار کر قتل کردیا۔ذرائع کے مطابق اہلخانہ نے ملزم بیٹے کے خلاف مقدمہ درج کروانے سے انکار کردیا جس کے بعد پولیس نے سرکار کی مدعیت میں مقدمہ درج کرکے تحقیقات کا آغاز کردیا۔

واضح رہے کہ چند روز قبل منگھو پیر کے قریب پرانی گاڑی سے 2 بچوں کی لاشیں برآمد ہوئی تھیں، دونوں بچے دس مئی سےلاپتہ تھے ،حکام نے اندیشہ ظاہر کیا تھا کہ بچےممکنہ طورپر کھیل کود کے دوران گاڑی میں لاک ہوگئے تھے۔

ریسکیو اہلکاروں کا کہنا تھا کہ بچوں کی شناخت دانش زبیراورعبیدسعید کےنام سےہوئی، گاڑی عمرگوٹھ میں کئی روزسے لاوارث کھڑی تھی ، دونوں بچوں کی لاشیں گاڑی کےشیشے توڑکر نکالی گئیں، بچوں کی ہلاکت دم گھٹنے سے ہوئی۔بچوں کی پوسٹ مارٹم رپورٹ میں کہا گیا تھا کہ بچوں کے سر پر وزنی چیز لگی ہے۔