fbpx

بی ایس آنرز: انٹری ٹیسٹ کا پیپر پیٹرن جاری:امیدواروں کےلیے جاننا ضروری ہوگیا

لاہور:بی ایس آنرز: انٹری ٹیسٹ کا پیپر پیٹرن جاری:امیدواروں کےلیے جاننا ضروری ہوگیا،اطلاعات کے مطابق بی ایس آنرز میں داخلوں کیلئے انٹری ٹیسٹ کا نصاب جاری، ہائر ایجوکیشن کمیشن نے انٹری ٹیسٹ کا پیپر پیٹرن جاری کر دیا۔

ہائیرایجوکیشن کمیشن کےمطابق بی ایس آنرز میں داخلوں کیلئے انٹری ٹیسٹ کے حوالے سے پیپر پیٹرن جاری کردیا ہے۔ طلباسے 75 نمبروں پرمشتمل معروضی سوالات اور 25 نمبرزکاانشائیہ ہوگا۔ بی ایس آنرز کے انٹری ٹیسٹ کا دورانیہ 2 گھنٹہ 20 منٹ مقرر ہوگا۔

دوسری جانب سرکاری یونیورسٹیوں میں مستقل افسروں کی تعیناتیاں التواء کا شکار ہیں۔ لاہور کالج فار ویمن یونیورسٹی میں رجسٹرار اور کنٹرولر امتحانات کی تعیناتی نہیں ہو سکی۔

ادھر فییصل آباد میں حالات کچھ اس قدر ہی ہیں ، گورنمنٹ کالج یونیورسٹی فیصل آباد بھی مستقل رجسٹرار اور کنٹرولر سے محروم ہے۔ یونیورسٹی سرچ کمیٹیوں نے امیدواروں کے انٹرویوز کرکے پینل ہائر ایجوکیشن ڈیپارٹمنٹ کو بھجوا رکھے ہیں۔ دونوں پوسٹوں کیلئے تین تین ناموں کے پینل بھجوائے گئے تھے۔

دو ماہ سے سے معاملہ ہائر ایجوکیشن ڈیپارٹمنٹ میں التوا کا شکار ہے جبکہ ہائر ایجوکیشن ڈیپارٹمنٹ نے حتمی امیدواروں کی منظوری گورنر پنجاب سے لینی ہے۔ ایچ ای ڈی کے مطابق نئی بھرتی پالیسی کے نافذ ہوتے ہی پینل حتمی منظوری کیلئے بھجوا دیئے جائیں گے۔