بجٹ کا پیسہ عوام کے مسائل حل کرنے کے بجائے اشرافیہ کی نذر ہوجاتا ہے. کیماڑی جلسہ عام سے خطاب

0
42
PMML

پاکستان مرکزی مسلم لیگ کے تحت کیماڑی میں جلسہ عام سے خطاب کرتے ہوئے نائب صدر فیصل ندیم نے کہا ہے کہ کراچی مسائل کے انبار تلے دب چکا ہے ۔ الیکشن کے دنوں میں نظر آنے والے سیاست دان منتخب ہونے کے بعد غائب ہو جاتے ہیں۔ بجٹ کا پیسہ عوام کے مسائل حل کرنے پر نہیں بلکہ اشرافیہ کی نذر ہوجاتا ہے۔ عوام کو اپنے مستقبل کے بارے میں سنجیدگی سے سوچنا ہوگا۔ بغیر اختیار اور وسائل کےہر شعبے میں عوام کی خدمت کررہے ہیں ۔اختیار ملنے کے بعد عوام کےوسائل عوام کے مسائل حل کرنے پر لگائیں گے۔ کیماڑی جلسہ عام سے سندھ کے صدر عقیل احمد لغاری،کراچی کے صدراحمد ندیم اعوان،جنرل سیکٹری اکرم عادل،شہباز عبدالجبار،امجد اسلام امجد،عبدالرحیم سالار،سجاداعوان،فضیل عباس،عبدالحمید،عمر نعیم ودیگر نے بھی خطاب کیا۔جلسہ عام میں کیماڑی سے مرد و خواتین نے ہزاروں کی تعداد میں شرکت کی۔

ترجمان کے مطابق شرکا کا جوش و جذبہ دیدنی تھا۔ جلسے کے دوران شرکا نے پارٹی پرچم تھام رکھے تھے اور پاکستان کے حق میں زبردست نعرے بازی کرتے رہے۔ مرکزی مسلم لیگ کے نائب صدرفیصل ندیم نے خصوصی خطاب کرتے ہوئے کہا کہ کراچی مسائل کے انبار تلے دب چکا ہے۔امن وامان، صحت وصفائی کے مسائل پانی بجلی و گیس کی عدم دستیابی کراچی کے ہر شہری کا مسئلہ بن چکا ہے۔ وفاق میں حکومت کرنے والی عوامی جماعت ہونے کا دعوی توکرتے ہیں۔ لیکن عوامی مسائل حل نہیں کرتے۔بدقسمتی سے لوگ چاند تک پہنچ چکےہیں۔ لیکن کراچی کےعوام اپنے مسائل لیے دردر پھر رہے ہیں۔دنیا جس رفتار سے ترقی کر رہی ہے۔

انہوں نے مزید کہا کہ سندھ کے عوام اسی رفتار سے پستی کا شکار ہوتے جارہےہیں ۔ الیکشن کا دنگل بجتے ہی عوام میں نظر آنے والے منتخب ہونے کے بعد غائب کیوں ہو جاتے ہیں ۔حالیہ پیش کیا جانے والا بجٹ مسائل میں دھنسی عوام کی جیب سے نکالا جائے گا ۔ بجٹ کا پیسہ عوام کے مسائل حل کرنے پر نہیں بلکہ اشرافیہ کے نظر ہوجاتا ہے۔ الیکشن کے موقع پر عوام کے خزانے پر ڈاکہ ڈال کر جمع کیا جانے والا پیسہ پانی کی طرح بہایا جاتا ہے۔عوام کو روشن خواب دکھا کر بار بار دھوکہ دینے کی کوشش کی جاتی ہے ۔لیکن اب عوام ان کے دھوکہ میں نہیں آئیں گے۔پاکستان مرکزی مسلم لیگ کے سیاست میں آنے سے اشرافیہ بے چین ہے۔ کیونکہ وہ جانتے ہیں کہ ہم نہ خود کھائیں گے نہ کسی اور کو کھانے دیں گے۔بغیر اختیار اور وسائل کےہر شعبے میں عوام کی خدمت کررہے ہیں ۔اختیار ملنے کے بعد عوام کےوسائل عوام کے مسائل حل کرنے پر لگائیں گے۔

جبکہ سندھ کے صدرعقیل احمد لغاری کا کہنا تھا کہ پاکستان مرکزی مسلم لیگ کی عوامی خدمت کا پورا پاکستان گواہ ہے۔ہم خدمت انسانیت کرکےلوٹ مار اور دھوکے کی سیاست کا رخ تبدیل کریں گے۔پاکستان مرکزی مسلم لیگ منتخب ہو کر مایوسیوں کا خاتمہ کرے گی۔عوام پاکستان مرکزی مسلم لیگ کی قیادت کے شانہ بشانہ کھڑے ہوں۔ کراچی کے صدراحمد ندیم اعوان نے خطاب کرتے ہوئے کہا کہ پاکستان مرکزی مسلم لیگ نےعوام کے مسائل کو اپنا مسئلہ سمجھ کر سستی روٹی، سستی سبزی بازار ، پانی کی فراہمی تعلیم و صحت کے شعبوں میں بہترین کارکردگی کا مظاہرہ کیا۔بلدیاتی انتخابات میں دھونس اور دھاندلی کر کے عوام کا فیصلہ نہیں مانا گیا۔ہم اپوزیشن کر کے آپ کو بتائیں گے کہ کام کیسے ہوتا ہے۔ نہ خود بیٹھیں گے نہ آپ کو بیٹھنے دیں گے۔ہم پاکستان کی خاطر کھڑے رہیں گے۔قوم پرانے چہروں کو دھوکہ دینے والے کو مسترد کریں گے۔بجٹ نئے ٹیکسوں کے ساتھ عوام میں خوف کی علامت بن چکا ہے۔عوام کی خاطر منظور ہونے والا بجٹ لٹیروں کے نظر ہوجاتا ہے۔لیکن اب ایسا نہیں چلے گا۔کراچی کا بجٹ کراچی میں لگنا چاہیے۔پانی کے لیے کراچی کی عوام ترس چکی ہے۔نلوں میں پانی نہیں معلوم نہیں ٹینکروں کے لیے پانی کہاں سے آجاتا ہے۔ پاکستان کو چلانےوالا کراچی مسائل کا گڑھ بن چکا ہے ۔پاکستان مرکزی مسلم لیگ کراچی کی روشنیوں کو واپس لائے گی۔

سندھ کےجنرل سیکٹری اکرم عادل کا کہنا تھا کہ پاکستان کی موجودہ سیاسی و معاشی صورتحال میں ایسی جماعت اور قیادت کی ضرورت ہے ۔جوپاکستان کو مسائل سے نکال سکے ۔روایتی سیاستدانوں نے پاکستان کو یرغمال بنایا ہوا ہے۔الیکشن کے دنوں میں نظر آنے والے سیاست دان منتخب ہونے کے بعد غائب ہو جاتے ہیں۔پاکستان کی عوام کو اب اپنے مستقبل کے بارے میں سنجیدہ ہوکر سوچنا ہوگا۔ پاکستان مرکزی مسلم لیگ کے قائدین کا ماضی عوام کے سامنے ہے۔ عوام خدمت گزار قیادت کو منتخب کریں تاکہ عوام کے مسائل حل ہوں۔

سندھ کے نائب صدرشہباز عبدالجبارنے کہا کہ ہم پاکستان کو بنانے والے تھے ان شاءاللہ بچانے والے بنیں گے۔پاکستان امت مسلمہ کا نمائندہ ہے۔ مرکزی مسلم لیگ نے سستے سبزی بازار ، عوامی سہولت بازار ، صحت کے شعبے سستی روٹی اور صفائی کے پروجیکٹ کیماڑی سے شروع کیے۔کیماڑی کی ٹیم گھر گھر جا کر وسائل مہیا کرنے کی کوشش کر رہی ہے۔ کیماڑی کے عوام اپنے درمیان سے نمائندے منتخب کریں گے جو ان کے حقوق دلا سکے ۔عوام کو وسائل عوام کا حق سمجھ کر لوٹائیں گے ۔پاکستان مرکزی مسلم لیگ کام کرنے پر یقین رکھتی ہے اور روایتی سیاستدانوں کو کام کرنے پر مجبور کر دیں گے۔

ڈپٹی جنرل سیکرٹری حافظ امجد اسلام نے گفتگو کرتے ہوئے کہا کہ اہلیان کیماڑی اگر مسائل کا حل چاہتے ہیں تو روایتی سیاستدانوں سے جان چھڑانا ہوگی۔ ٹوٹی سڑکیں، تعلیم و صحت اور پانی و بجلی کی عدم موجودگی پر اہلیان کیماڑی اب پیشہ ورانہ لوگوں کی باتوں میں نہیں آئیں گے۔پاکستان مرکزی مسلم لیگ عوام کی آواز بن کر آئی ہے۔کیماڑی کے صدرعبدالرحیم نے کہاکہ کیماڑی کے عوام کے مسائل دیکھتے ہیں تو دکھ ہوتا ہے۔حکمران عوام میں جائیں تو انہیں مسائل نظر آئیں۔عوام ووٹ دیتے وقت روایتی سیاستدانوں کا ماضی بھی ضرور دیکھا کریں۔ کیماڑی کی عوام بنیادی سہولیات سے محروم ہیں۔ اگر روایتی حکمران عوام کی خدمت کریں تو انہیں ووٹ خریدنے کی ضرورت ہی نہ پڑے۔

سجاد اعوان نے کہا کہ پاکستان مرکزی مسلم لیگ عوام کے لیے امید کی کرن ہے۔ہماری قیادت خود خدمت کے کاموں میں پیش پیش رہتی ہے۔پہلے ووٹ پھر کام کرنے کا وعدہ کرنے والے کبھی مخلص نہیں ہیں۔پاکستان مرکزی مسلم لیگ بغیر اقتدار اور وسائل کے عوام کی خدمت کرکے اپنا لوہا منوایا ہے۔ مسلم سٹوڈنٹ لیگ کراچی کے صدرمحمد فضیل عباس نے کہا کہ تحریک پاکستان میں طلبہ کا نمایاں کردار رہا۔ طلبہ معاشرے کے اصل معمار ہیں۔ ملک کی تعمیر و ترقی کے لئے بیٹھ کر مسائل کا حل تلاش کیا جائے۔طلبہ کو ملک کی بہتری کے لئے کردار ادا کرنا ہوگا۔

کیماڑی کے جنرل سیکڑی عبدالحمید نے کہا کہ مرکزی مسلم لیگ کی سیاست روایتی سیاستدانوں سے الگ ہے۔ہم نے کیماڑی عوام کے لیے سستی روٹی پروگرام شروع کیا ۔آر او پلانٹ کیماڑی کی عوام کے لیے لگا رہے ہیں ۔ اسٹریٹ لائٹ اور22 سال سے بند نالہ کمیلہ چوک والا ٹھیک کرایا۔سیاستدانوں کو فنڈز ملتے ہیں لیکن عوام کو سہولت نہیں مل پاتی ۔ پاکستان مرکزی مسلم لیگ کیماڑی کی عوام کی محرومیوں کا ازالہ کرے گی۔ مسلم یوتھ لیگ کے رہنماعمر نعیم نے کہا کہ نوجوان قوموں کی ترقی میں ریڑھ کی ہڈی کا کردار ادا کرتے ہیں۔آج پاکستان کا نوجوان محرومیوں کا شکار ہے۔نوجوان قیادت کو آگے آکر ملک کی باگ ڈور سنبھالی ہوگی۔ مسلم یوتھ لیگ نوجوانوں میں شعور بیدار کرے گی۔

Leave a reply