fbpx

بلغاریہ: بس میں آگ لگنے سے 45 افراد ہلاک اور 7 زخمی

بلغاریہ ہائی وے پر بس میں آگ لگنے سے 45افرادہلاک اور 7زخمی ہو گئے۔

باغی ٹی وی :رپورٹ کےمطابق زخمیو ں کو دارالحکومت صوفیہ کے اسپتال منتقل کردیا گیا ہے، جبکہ زخمیوں میں بچے بھی شامل ہیں، پولیس نے علاقے کو گھیراو میں لے لیا ہے اورآگ لگنے کی وجہ معلوم کی جارہی ہے بس ترکی سے شمالی مقدونیہ جا رہی تھی۔

دریں اثناء امریکا کی ریاست وسکونسن میں ایک گاڑی ایک کرسمس پریڈ سے جا ٹکرائی جس سے 5 افراد ہلاک جبکہ خواتين اور بچوں سميت 40 سے زائد زخمی ہوگئے۔ پولیس نے ايک مشتبہ کوحراست ميں لےکر پوچھ گچھ شروع کردی ہے۔

اوچ شریف: ٹریفک حادثہ میں ایک ہی خاندان کے 5 افراد جاں بحق

دوسری جانب اوچ شریف کے قریب موٹروے ایم 5 پر کار حادثے میں ایک ہی خاندان کے پانچ افراد جاں بحق ہوگئے حادثہ اوچ شریف کے قریب موٹر وے ایم 5 پر پیش آیا جہاں ابتدائی معلومات کے تحت کار کا ٹائر دوران سفر پھٹ گیا جس کے بعد گاڑی پول سے ٹکرا گئی۔

ٹریفک حادثے کے باعث کار میں سوار ایک ہی خاندان کے پانچ افراد جاں بحق ہو گئے ہیں حادثے کا شکار ہو نے والا خاندان شادی کی تقریب میں شرکت کے لیے ٹنڈو آدم سےلاہور جا رہا تھا اسپتال ذرائع کے مطابق جاں بحق ہونے والوں میں مبشر زیدی، ان کی اہلیہ، دو بیٹے اور بیٹی شامل ہیں۔

برطانوی وزیراعظم خطاب کے دوران مشکل میں پھنس گئے

ادھر بھارت ميں ایک اسپتال کے مردہ خانے میں رکھی گئی ایک شخص کی لاش اگلے دن اچانک زندہ ہوگئی دہلی کے علاقے مراد آباد ميں حادثے کے بعد اسپتال لائے جانے والے 45 سالہ سريش کمار کو ڈاکٹرز نے مردہ قرار دے ديا تھاڈاکٹروں کی تصدیق کے بعد سریش کمار کی لاش مردہ خانے منتقل کردی گئی تھی لیکن وہ اگلی صبح اچانک اٹھ کر بیٹھ گیا۔ ڈاکٹروں نے اس کا دوبارہ علاج شروع کرديا ہے لیکن وہ فی الوقت کوما ميں ہے۔

مردہ خانے میں رکھی گئی لاش زندہ ہو گئی