fbpx

بشریٰ انصاری کی پاکستانی عوام سے بھارتیوں کی جلد صحتیابی کے لئے دعاؤں کی اپیل

پاکستان کی لیجنڈری اور سینئر اداکارہ بشری انصاری نے پاکستانی عوام سے بھارتیوں کے لئے دعاؤں کی درخواست کی ہے-

باغی ٹی وی : بھارت میں کورونا کے مریضوں کی تعداد ایک کروڑ 71 لاکھ سے تجاوز کر چکی ہے جبکہ 348,000 بھارت نے کورونا کے ایک دن میں سب سے زیادہ نئے کیسوں کے معاملے میں پوری دنیا کو پیچھے چھوڑ دیا، جب کہ متاثرین کے لیے انتہائی ضروری آکسیجن گیس کی قلت پیدا ہوگئی اور اس ضمن میں بلیک مارکیٹ بھی سرگرم ہوگئی ہے۔ اس کے ساتھ ساتھ شمشان گھاٹوں کی بھی کمی ہو گئی ہے.

بھارت کے مختلف علاقوں میں کورونا وائرس کی وبا کا قہر جاری ہے اور اس میں کمی کے بجائے دن بہ دن اضافہ ہوتا جا رہا ہے۔ بھارت اس وقت دنیا میں کورونا کے پھیلاؤ کا نیا مرکز بنتا جا رہا ہے-

بھارت کی اس صورتحال کو دیکھتے ہوئے گزشتہ روز ایدھی فاؤنڈیشن کے سربراہ فیصل ایدھی نے بھارت کو 50 ایمبولنس اور رضاکار بھجوانے کی پیشکش کی تھی جبکہ آج وزیراعظم عمران خان، وزیر خارجہ شاہ محمود قریشی اور وزیر اطلاعات فواد چوہدری سمیت پاکستان بھر سے بھارتی عوام کے لیے نیک خواہشات کا اظہار کیا جا رہا ہے۔

شاہ محمود قریشی نے کہا کہ ہمسایہ ملک کو وینٹی لیٹر، بی آئی پی اے پی، ڈیجیٹل ایکسرے مشین، پی پی ای اور دیگر متعلقہ اشیاء دینے کے لیے تیار ہیں۔

گزشتہ روز سے پاکستان میں ہیش ٹیگ PakistanStandWithIndia# اور PakistanWithIndia# ٹاپ ٹرینڈز میں شامل ہے اور عوام کی جانب سے پاکستان اور بھارت سمیت دنیا بھر سے کورونا کے جلد مکمل خاتمے کے لیے دعائیں کی جا رہی ہیں جن میں پاکستان کی سینئیر اداکارہ بشری انصاری بھی شامل ہیں-

انہوں نے اپنے انسٹاگرام پوسٹ میں لکھا کہ آئیں ہم ایک منٹ سرحد پار لوگوں کے لئے دعا کریں-

انہوں نے تمام پاکستانیوں سے دعا میں شامل ہونے کی اپیل کرتے ہوئے لکھا کہ آئیں آپ بھی ہمارے ساتھ مل کر دعا میں شامل ہوں اور بھارت میں کورونا مریضوں کی جلد صحتیابی اور اچھی صحت کے لئے دعا کریں-

انہوں نے اپنی پوسٹ میں ہیش ٹیگ PakistanStandWithIndia# بھی استعمال کیا-

واضح رہے کہ اس سے قبل سابق اداکارہ نوربخاری نے بھی اپنے انسٹاگرام اکاؤنٹ پر ایک پوسٹ شیئر کرکے بھارتیوں کے ساتھ اظہار ہمدردی کیا تھا لکھا تھا ہماری دعائیں بھارت کے ساتھ ہیں اللہ رحم کرے-

بشریٰ انصاری کی اس پوسٹ پر بھارتیوں کی جانب سے تشکر کا اظہار کیا گیا-

اس کے ساتھ ہی انہوں نے ان کے بھارتی مداحوں کو مشورہ دیتے ہوئے کہا تھا’میرے بھارتی مداح اور فالوورز براہ کرم بطورعلاج دن میں تین بار قاری عبدالباسط کی آواز میں سورہ رحمن کی تلاوت سنیں۔ اور اگر کوئی کورونا میں مبتلا ہے تو اس کے نزدیک یہ سورہ رکھ دیں۔ گھروں میں رہیں محفوظ رہیں۔

علاوہ ازیں علی ظفر ، احمد علی بٹ اور شہریار منور نے بھی نیک خواہشات کا اظہار کیا-

کورونا بحران: نور بخاری کا بھارتیوں کو سورۃ رحمن سننے کا مشورہ

کورونا سے تباہ حال بھارت کے لئے پاکستانی فنکار دعاگو

جواب چھوڑیں

آپ کا ای میل ایڈریس شائع نہیں کیا جائے گا.