fbpx

بشریٰ انصاری نے نمبر ون ٹاک ٹاکر جنت مرزا کو جاہل کیوں قرار دیا؟

پاکستان شوبز انڈسٹری کی لیجنڈری اور سینئر اداکارہ بشریٰ انصاری نے پاکستان کی نمبر ون ٹک ٹاک ماڈل اور اداکارہ جنت مرزا کو جاہل اسٹار قرار دے دیا۔

باغی ٹی وی : گزشتہ دنوں جنت مرزا نے ایک ویڈیو شئیر کی جس میں انہوں نے ایک نجی برانڈ کا لباس زیب تن کیا تھا اور ایک چین پہنی تھی جس پر عیسائی مذہب کا نشان بنا ہوا تھا۔

جنت مرزا کی یہ ٹک ٹاک ویڈیو وائرل ہوئی تو عیسائی برادری کی جانب سے دعویٰ کیا گیا کہ ٹک ٹاک اسٹار نے اُن کے مذہب کی توہین کی ہے اور اُن کے خلاف مقدمہ درج کردیا گیا۔

اس کے بعد جنت مرزا نے اپنے انسٹا گرام اسٹوری پر ایک خصوصی ویڈیو پیغام میں اپنے عیسائی دوستوں، ٹک ٹاکرز اور پوری برداری سے معافی مانگی جنت مرزا نے اپنے ویڈیو پیغام میں عیسائی برداری سے مخاطب ہوتے ہوئے کہا تھا کہ اُن سے انجانے میں یہ غلطی ہوگئی ہے، وہ کسی کی دل ازاری نہیں کرنا چاہتی تھی اور وہ پوری عیسائی برادری سے معافی مانگتی ہیں۔

جنت مرزا کا کہنا تھا کہ اگر وہ چین پر پہلے ہی نشان دیکھ لیتیں تو اُسے پہن کر ویڈیو نہ بناتیں انہیں تو ویڈیو پر کمنٹس سے پتہ چلا ہے تاہم جنت مرزا کے معافی مانگنے کے بعد یہ معاملہ ختم ہوگیا۔

ساتھ ہی انسٹاگرام پر معافی نامے کا ایک نوٹ بھی شئیر کیا –

اب گزشتہ روز پاکستان شوبز انڈسٹری کی سینئر اداکارہ بشریٰ انصاری نے سوشل میڈیا سائٹ انسٹاگرام پر جنت مرزا کے خلاف تنقیدی پوسٹ شیئر کی۔

بشریٰ انصاری نے اپنی انسٹاگرام پوسٹ میں جنت مرزا کی وہ تصویر شیئر کی جس میں اُنہوں نے وہ چین پہنی ہوئی تھی اور اس کے ساتھ ہی اُن کے خلاف درج ہونے والے مقدمے کی تصویر بھی شیئر کی۔

اداکارہ نے اپنی پوسٹ کے کیپشن میں لکھا کہ ’ ان جاہل اسٹارز پر افسوس ہے جنہیں نہ اسلام کا علم ہے اور نہ دوسرے مذہب کا۔‘

بشریٰ انصاری نے کچھ دیر کے بعد یہ پوسٹ اپنے انسٹاگرام اکاؤنٹ سے ڈیلیٹ کردی تاہم اداکارہ کی یہ پوسٹ سوشل میڈیا کے مختلف پیچز پر تیزی سے شیئر کی جارہی ہے۔

جواب چھوڑیں

آپ کا ای میل ایڈریس شائع نہیں کیا جائے گا.