اسلام آباد: پاکستان تحریک انصاف (پی ٹی آئی) کے بانی عمران خان نے سپرنٹنڈنٹ اڈیالہ جیل کے خلاف توہینِ عدالت کی درخواست اسلام آباد ہائی کورٹ میں دائر کر دی ہے۔
یہ درخواست ان کے وکیل فیصل چودھری کی جانب سے دائر کی گئی، جس میں یہ مؤقف اختیار کیا گیا کہ عدالتی احکامات کے باوجود عمران خان کی اہلیہ بشریٰ بی بی سے ملاقات نہیں کروائی گئی۔ درخواست میں کہا گیا ہے کہ اسلام آباد ہائی کورٹ نے 28 جنوری کو جیل کی سہولتوں سے متعلق درخواست پر ہدایات جاری کی تھیں، لیکن اڈیالہ جیل انتظامیہ نے ان احکامات کو نظرانداز کیا اور ان پر عمل درآمد نہیں کیا۔عمران خان نے اپنی درخواست میں مزید کہا کہ جیل حکام کی جانب سے انہیں غیر انسانی سلوک کا سامنا کرنا پڑا ہے اور ان کے بنیادی حقوق کو پامال کیا گیا ہے۔ ان کا کہنا تھا کہ سپرنٹنڈنٹ اڈیالہ جیل نے جان بوجھ کر عدالتی احکامات پر عمل درآمد نہیں کیا، جیل حکام کے خلاف توہین عدالت کی کاروائی کی جائے.
واضح رہے کہ عمران خان اور بشریٰ بی بی دونوں اڈیالہ جیل میں سزا کاٹ رہے ہیں،
