بزدار بڑا کھلاڑی نکلا،کس جماعت کی بڑی وکٹ گرا لی ؟

0
30

بزدار بڑا کھلاڑی نکلا،کس جماعت کی بڑی وکٹ گرا لی ؟
باغی ٹی وی کی رپورٹ کے مطابق وزیراعلیٰ پنجاب سردار عثمان بزدار سے تحریک انصاف میں شمولیت اختیار کرنے والے منیر احمد خان کی قیادت میں وفد کی ملاقات ہوئی ہے

وزیراعلیٰ سے ملاقات کرنیوالوں میں تحریک انصاف پنجاب کے سینئر نائب صدر حیدر کھرل، سابق سیکرٹری اطلاعات پیپلز پارٹی پنجاب ذکریا بٹ اورسابق نائب صدر پیپلز پارٹی لاہور میاں طاہرحمید شامل تھے،صوبائی وزراء ہاشم جواں بخت،سید صمصمام علی بخاری اورسردار آصف نکئی بھی اس موقع پر موجود تھے ،ملاقات میں سیاسی صورتحال پر تبادلہ خیال کیا گیا،وزیراعلیٰ عثمان بزدار نے تحریک انصاف میں شمولیت پر منیر احمد خان کا خیر مقدم کیا،

منیر احمد خان اوروفد نے صادق سنجرانی کے چیئرمین سینیٹ اور مرزا محمد آفریدی کے ڈپٹی چیرمین سینیٹ منتخب ہونے پر وزیراعلیٰ عثمان بزدار کومبارکباد دی، وزیراعلیٰ پنجاب کا کہنا تھا کہ وزیراعظم عمران خان کی قیادت میں تحریک انصاف پاکستان کی مقبول ترین جماعت ہے۔ چیئرمین و ڈپٹی چیرمین سینٹ کے الیکشن میں پی ٹی آئی کی کامیابی شفاف پاکستان کی فتح ہے۔ پی ڈی ایم کے پورے ٹولے نے چیئرمین وڈپٹی چیرمین سینیٹ کا الیکشن جیتنے کیلئے ہرحربہ استعمال کیا۔ اللہ تعالیٰ کے فضل و کرم سے صادق سنجرانی اور مرزا محمد آفریدی نے واضح اکثریت سے کامیابی حاصل کی۔ اپوزیشن کو اب منفی سیاست چھوڑ کر ہوش کے ناخن لینے چاہئیں۔ ہم عوامی خدمت کے لئے آئے ہیں اورعوامی خدمت کرتے رہیں گے۔ سازشیں کرنے والے ہر موقع پر ناکام رہے ہیں۔ پی ڈی ایم والے تماشہ لگاتے لگاتے خود تماشہ بن چکے ہیں۔ مسترد شدہ عناصر کل بھی ناکام تھے، آج بھی ناکام ہے اورآئندہ بھی ناکام رہیں گے۔ رونااپوزیشن کا مقدر ہے اوریہ روتے ہی رہیں گے۔

Leave a reply