جائیداد کا تنازع: بیوی نے شوہر کا گلہ کاٹ دیا

منڈی بہاؤالدین میں جائیداد کے تنازع پر بیوی نے تیز دھار چاقو سے شوہر کا گلہ کاٹ دیا، پولیس

باغی ٹی وی : تفصیلات کے مطابق واقعہ منڈی بہاؤالدین کے علاقے سوہاوا میں پیش آیا ، ملزمہ چاہتی تھی کہ شوہر تمام جائیداد اس کے نام پر کر دے اور یہی جھگڑے کا باعث بنا –

پولیس نے ملزمہ کو گرفتار کر کے زخمی شوہر کو تشویشناک حالت میں ہسپتال منتقل کر دیا ۔ پولیس کے مطابق دونوں نے تین سال قبل پسند کی شادی کی تھی ، تاہم دونوں میں جائیداد کے تنازع پر جھگڑا ہوا تھا۔

دوسری جانب سوات کے علاقے منگورہ میں لیڈی کانسٹیبل کو شوہر نے فائرنگ کر کے قتل کر دیا منگورہ پولیس سٹیشن میں تعینات خاتون کانسٹیبل بخت عزت نے اپنے شوہر سے طلاق کا مطالبہ کیا تھا جس نے انکار کر دیا تھا اسی ناچاقی پر جھگڑا ہوا جس پر ملزم نے فائرنگ کر کے عزت بخت کو قتل کر دیا پولیس نے مقدمہ درج کر کے ملزم کی تلاش شروع کر دی –