بہاولپور:سرائیکی چوک فرنیچر مارکیٹ میں آگ بھڑک اُٹھی

اوچ شریف باغی ٹی وی (نامہ نگار حبیب خان) بہاولپور میں فرنیچر مارکیٹ میں آگ لگنے کا واقعہ، کوئی جانی نقصان نہیں ہوا

تفصیل کے مطابق سرائیکی چوک کے قریب فرنیچر مارکیٹ میں آگ لگنے کا واقعہ پیش آیا۔ پنجاب ایمرجنسی سروس (ریسکیو 1122) کے مطابق آگ لگنے کی اطلاع 18:26 پر موصول ہوئی۔

ریسکیو ٹیمیں صرف دو منٹ میں جائے وقوعہ پر پہنچ گئیں، جہاں آگ لکڑی اور فرنیچر کے سامان تک محدود تھی۔ متعدد ریسکیو گاڑیاں، جن میں BPA-10، BA-09، BB-37، اور BF-3 شامل تھیں، نے آپریشن میں حصہ لیا۔

آگ لگنے کی وجہ شارٹ سرکٹ بتائی گئی ہے۔ ریسکیو ٹیم نے فوری کارروائی کرتے ہوئے آگ کو مزید پھیلنے سے روک لیا۔ خوش قسمتی سے کوئی جانی نقصان نہیں ہوا، اور مالی نقصان بھی محدود رہا۔

ڈسٹرکٹ ایمرجنسی آفیسر باقر حسین نے آپریشن کی نگرانی کی اور ٹیم کی بروقت کارروائی کو سراہا۔ عوام کو آگاہ کیا گیا کہ وہ شارٹ سرکٹ سے بچاؤ کے لیے حفاظتی اقدامات کریں۔

Comments are closed.