fbpx

بزرگ شہریوں کے لیے حکومت کا قابل تحسین فیصلہ

بزرگ شہریوں کے لیے حکومت کا قابل تحسین فیصلہ

باغی ٹی وی : حکومت نے بزرگ شہریوں کو عزت اور اکرام بخشتے ہوئے اہم قدم اٹھا یا ہے ، حکومت نے فیصلہ کیا ہے کہ ملک بھر میں معمر افراد کی کورونا ویکسی نیشن اب گھر پر کی جائے گی۔

اس سہولت کا 80 سال سے زائدعمر کے شہری فائدہ اٹھا سکیں گے۔ گھر گھر ویکسی نیشن کی سہولت کا عمل چاروں صوبوں میں کیا جائے گا۔

وفاقی حکومت کی جانب سے صوبوں کو گھر پر ویکسی نیشن کا عمل جلد شروع کرنے کی ہدایت کر دی گئی ہے جبکہ شہریوں سے کہا گیا ہے کہ وہ ویکسی نیشن کیلئے مقامی محکمہ صحت سے رابطہ کریں گے

دوسری جانب پاکستان میں نوجوانوں کی ویکسینیشن کا عمل مرحلہ وار شروع کرنے کا اعلان کر دیا گیا ہے۔ آئندہ ماہ ملک کی زیادہ سے زیادہ آبادی کو ویکسین کے عمل سے گزارا جائے گا۔

ڈاکٹر فیصل سلطان کا میڈیا سے گفتگو میں حکومتی فیصلے سے آگاہ کرتے ہوئے کہا کہ کورونا وائرس سے بچاؤ کیلئے حکومت عملی اقدامات کر رہی ہے۔ حکومتِ منصوبے کے مطابق ویکسین کی بلا تعطل فراہمی کو یقینی بنا رہی ہے۔

انہوں نے شہریوں سے اپیل کی کہ وہ احتیاطی تدابیر پر سختی سے عمل کریں اور کورونا وائرس سے بچاؤ کیلئے سماجی فاصلے کو یقینی بنائیں۔ ان کا کہنا تھا کہ منظم انداز میں ویکسین لگائی جا رہی ہے جبکہ حکومت شہریوں کیلئے ویکسین خرید بھی رہی ہے۔

دوسری جانب پارلیمانی سیکرٹری برائے قومی صحت خدمات ڈاکٹر نوشین حامد نے کہا ہے کہ کووڈ 19 ویکسین کی 9 لاکھ سے زیادہ خوراکیں پاکستان کو دی گئی ہیں۔ سرکاری مراکز کا انتخاب کرنے والوں کو یہ ویکسین بلا معاوضہ مل جائے گی۔

جواب چھوڑیں

آپ کا ای میل ایڈریس شائع نہیں کیا جائے گا.