fbpx

کینیڈا کی جانب سے بھارت اور پاکستان پر فضائی پابندی کے بعد پی آئی اے کا اہم اعلان

کینیڈا کی جانب سے بھارت اور پاکستان پر فضائی پابندی کے بعد پی آئی اے کا اہم اعلان

باغی ٹی وی کی رپورٹ کے مطابق چین سے پھیلنے والا کرونا وائرس دنیا بھر میں پھیل چکا ہے

کرونا وائرس نے دنیا کے کئی ممالک میں لاک ڈاؤں پابندیاں نافذ کروا دی ہیں، اب کرونا کی تیسری لہر میں بھارت میں ایک روز میں لاکھوں مریض سامنے آئے ہیں، گزشتہ چار روز میں بھارت میں کرونا کے دس لاکھ سے زائد مریض سامنے آئے ہیں،پاکستان میں بھی کرونا مریضوں میں تیزی سے اضافہ ہو رہا ہے، ایسے میں کینیڈا نے پاکستان اور بھارت سے آنے والی پروازوں پر آج سےایک ماہ کے لئے پابندی لگادی ہے، پاکستان اوربھارت کے لیے پروازوں پر پابندی 30 روز کے لیے عائد کی گئی کینیڈا کی وزارت صحت نے ایک بیان جاری کیا ہے جس میں کہا گیا ہے کہ یہ پابندی تمام کمرشل اور نجی پروازوں پر عائد ہوگی۔

کینیڈا کی جانب سے پابندی لگنے کے بعد پاکستان کی قومی ایئر لائن پی آئی اے نے کہا ہے کہ کینیڈا کی جانب سے پاکستان سے جانے والی پروازوں پر پابندی کے باعث کینیڈا جانے والی تمام پروازیں منسوخ کر دی گئی ہیں۔ نجی ٹی وی کے مطابق پروازوں کی منسوخی کی وجہ سے ٹورنٹو میں پی آئی اے کا 16 رکنی کریو بھی پھنس گیا ہے، 16 رکنی کاک پٹ اور کیبن کریو نے ہفتے کو کینیڈا سے پاکستان روانہ ہونا تھا۔

جواب چھوڑیں

آپ کا ای میل ایڈریس شائع نہیں کیا جائے گا.