fbpx

کنٹونمنٹ بورڈزکے انتخابات اورسیاسی جماعتوں کے مقابلے:اللہ اکبرتحریک بھی میدان میں‌

اسلام آباد: کنٹونمنٹ بورڈزکے انتخابات اورسیاسی جماعتوں کے مقابلے:اللہ اکبرتحریک بھی میدان میں‌ ہے اورکل کے انتخابات میں اچھی خبردینے کی پوزیشن میں‌ ہے ، ادھر کنٹونمنٹ بورڈزکے انتخابات اور سیاسی جماعتوں کے مقابلے ،اطلاعات کے مطابق پاکستان بھر میں کنٹونمنٹ بورڈزکے انتخابات کل ہوں گے، ملک کے41 کنٹونمنٹ بورڈز کے 206 وارڈز میں 1560 امیدوار میدان میں ہیں۔

 

کنٹونمنٹ بورڈز الیکشن میں حصہ لینے والے 7 امیدوار بلا مقابلہ منتخب ہوچکے ہیں جب کہ کامرہ کنٹونمنٹ بورڈ میں انتخاب نہیں ہو رہا،راولپنڈی اورپنوں عاقل کےایک ایک وارڈ میں بھی انتخاب ملتوی ہوچکا ہے۔

کنٹونمنٹ بورڈزکےالیکشن میں سب سے زیادہ تعداد آزاد امیدواروں کی ہے ، ملک بھر سے 684 آزادامیدوار میدان میں ہیں، سیاسی جماعتوں کے 876 امیدوار میدان میں ہیں۔

سب سے زیادہ تعداد پاکستان تحریک انصاف کےامیدواروں کی ہے جو 183 ہے، پاکستان مسلم لیگ ن کے144، پاکستان پیپلز پارٹی کے 113.جماعت اسلامی 104، کالعدم تحریک لبیک پاکستان 86، اللہ اکبر تحریک کے 74 امیدوار ہیں، ایم کیو ایم 42، پی ایس پی 35 اور ق لیگ کے 34، جے یو آئی ف کے 25 امیدوار الیکشن لڑ رہے ہیں اور 659 آزاد امیدواروں بھی الیکشن میں قسمت آزمائی کرینگے۔

یاد رہے کہ ان انتخابات میں اللہ اکبرتحریک کے امیدواران حصہ لے رہے ہیں، اللہ اکبرتحریک جس نے پہلی مرتبہ 2018 کے عام انتخابات میں‌ حصہ لیا تھا

 

 

اللہ اکبر تحریک جو کہ 2018 کے عام انتخابات سے چند ہفتے قبل منظرعام پرآئی تھی ، اس جماعت کے امیدواروں نے ملک بھر میں کوئی نشست توحاصل نہ کی مگرنتائج اس قدر حوصلہ افزا تھے کہ تجزیہ نگاروں نے بھی تسلیم کرلیا تھا کہ چند دن کی پارٹی نے پاکستان کی بڑی بڑی پارٹیوں کی چولیں ہلا دیں‌

اللہ اکبرتحریک کے امیدواروں نے کم وقت میں‌ بہت اچھے نتائج دے کرآنے والے انتخابات میں بڑی بڑی پارٹیوں کے لیے خطرے کی گھنٹی بجادی تھی ، دوسری تجزیہ نگاروں کا خیال ہے کہ اگراللہ اکبر تحریک عوام میں اپنی جڑیں مضبوط کرنے میں کامیاب ہوجاتی ہے تو یہ آنے والے عام انتخابات میں کوئی اپ سیٹ بھی پیدا کرسکتی ہے

ادھر ذرائع کے مطابق کنٹونمنٹ بورڈزانتخابات کی تیاریاں مکمل ہیں اور سیاسی گہما گہمی عروج پر ہے، ملک بھر کے 42 کنٹونمنٹ بورڈز میں انتخابی دنگل کل سجےگا، جس کے انتظامات مکمل ہوگئے ہیں۔

الیکشن کمیشن کے مطابق 42کنٹونمنٹ کے 219 وارڈز کیلئے انتخابی سامان کی ترسیل کا عمل مکمل کردیا گیا، 219 وارڈز کیلئے 1644 پولنگ اسٹیشنز، 5080پولنگ بوتھ قائم کیے گئے ہیں۔

الیکشن کمیشن کے مطابق انتہائی حساس پولنگ اسٹیشنزپر سی سی ٹی وی کیمرے نصب کیے گئے ہیں، باقی پولنگ اسٹیشنز کے باہر پولیس، رینجرز پولنگ اسٹیشن کی حدود سے باہر موجودہوں گے