ورلڈ ہیڈر ایڈ

کیپٹن (ر) محمد عثمان نے سیکرٹری پرائمری اینڈ سکینڈری ہیلتھ کا چارج سنبھال لیا

حکومتِ پنجاب کے جاری کردہ نوٹیفکیشن کے مطابق کیپٹن (ر) محمد عثمان نے سیکرٹری پرائمری اینڈ سکینڈری ہیلتھ کا چارج سنبھال لیاہے۔

باغی ٹی وی کی رپورٹ کے مطابق 24 اگست کوپنجاب حکومت کے نوٹیفیکیشن کے تحت کیپٹن (ر) محمد عثمان کو سیکرٹری ہیلتھ تعینات کیا گیا تھا۔کیپٹن (ر) محمد عثمان نے سیکرٹری پرائمری اینڈ سکینڈری ہیلتھ کا چارج سنبھالتے ہوئے مختلف ونگز کے سربراہان سے ملاقات کی ہے۔ ونگز سربراہان نے سیکرٹری ہیلتھ کو محکمانہ معاملات پر تفصیلی بریفنگ دی ہے۔

یاد رہے کہ کیپٹن (ر) محمد عثمان ستائیسویں کامن کے پی اے ایس آفیسر ہیں۔ان کا کہنا تھا کہ صحت کا محکمہ انتہائی اہم ذمہ داری ہے۔حکومت پنجاب کے ویژن کے مطابق صوبہ بھر میں صحت کی معیاری سہولیات کی یقینی فراہمی واحدمشن ہے۔ محکمہ کی تمام ترجیحات کا جائزہ لے کر عوامی مسائل کے مطابق آئندہ کا لائحہ عمل مرتب کیا جائے گا.

سیکرٹری پرائمر ی اینڈ سیکنڈری ہیلتھ کیپٹن(ر) محمد عثمان نے عہدے کا چارج سنبھالتے ہی تمام ونگزسربراہان سے ملاقات کی۔ادارے کی پالیسی اور مستقبل کے لائحہ عمل پر تفصیلی گفتگو کی گئی.

سیکرٹری پرائمر ی اینڈ سیکنڈری ہیلتھ نے اجلاس میں پولیو پروگرام کے اگلے مرحلے کی تیاری کے آغاز کے حوالے سے اہم فیصلے کیے ہیں۔پراچیکٹ ڈائریکٹر پولیو پروگرام نے سیکرٹری ہیلتھ کو پولیو کے اگلے مرحلے کی تیاریوں کے حوالے سے بریفنگ کے دوران تیاریوں کے حوالے سے آگاہ کیا۔کیپٹن (ر) محمد عثمان نے پولیو پروگرام کو بہتر طریقے سے چلانے میں ہیلتھ ورکرزکے کردار کی تعریف کی۔انہوں نے لیڈی ہیلتھ ورکرز کی ترقی کے حوالے سے پرپوز ل جلد از جلد مکمل کرنے کی ہدایات بھی جاری کی ہیں۔ان کا کہنا تھا کہ پولیو پروگرام سمیت لیڈی ہیلتھ ورکرز صحت کے حوالے سے بہت سے اہم فرائض سرانجام دے رہی ہیں۔

سیکرٹری پرائمر ی اینڈ سیکنڈری ہیلتھ نے پولیو پروگرام کا اگلا مرحلہ شروع ہونے سے قبل ہی تمام تیاریاں مکمل کرنے اورپنجاب کو پولیو فری بنانے کیلئے تمام تر انرجی بروئے کار لانے کی ہدایات بھی جاری کی ہیں۔انہوں نے اس عزم کا اظہار کیا کہ ادارے کی بہتر کارکردگی کیلئے لیڈی ہیلتھ ورکرز سمیت تمام ملازمین کے مسائل ترجیحی بنیادوں پر حل کیے جائیں گے

جواب چھوڑیں

آپ کا ای میل ایڈریس شائع نہیں کیا جائے گا.