بگرام ایئربیس پرحملہ،2 کار بم دھماکے،بڑے پیمانے پر ہلاکتوں کا اندیشہ

کابل :امریکی صدر ڈونلڈ ٹرمپ کے لیے افغان طالبان کا واضح پیغام ،افغانستان کے صوبہ پروان میں امریکہ کی فوجی بیس کے باہر خود کش حملے میں کم از کم پانچ افراد کے زخمی ہونے کی اطلاعات ہیں۔مغربی ملکوں کے فوجی اتحاد ‘نیٹو’ اور افغان حکام نے ان دھماکوں کی تصدیق کی ہے

معتبر ذرائع کے مطابق یہ وہی بیس ہے جہاں چند روز قبل امریکہ کےصدر ڈونلڈ ٹرمپ ‘تھینکس گونگ’ کے موقع پراچانک پہنچے تھےاورفوجیوں کے ساتھ کچھ وقت گزارا تھا۔صوبائی گورنرکی ترجمان واحدہ شاہکرکا کہنا ہےکہ خودکش حملے میں زخمی ہونے والے پانچوں افراد افغان شہری ہیں جو کہ فوجی بیس کی جنوبی راہداری پر موجود تھے۔

ذرائع کے مطابق حملہ آوروں اورغیر ملکی افواج کے درمیان تقریباً 30 منٹ تک فائرنگ کا بھی تبادلہ ہوا۔نیٹو نے اپنے بیان میں کہا ہے کہ بگرام بیس پر ہونے والا ‘حملہ اچانک ہوا جسے فوری طور پر پسپا’ کر دیا ہے۔

اس سے قبل افغان طالبان نے کابل میں نومبر میں اُس وقت حملہ کیا تھا جب امریکہ اور طالبان امن معاہدے کے قریب پہنچ چکے تھے۔ اس حملے میں ایک امریکی فوجی کی ہلاکت کے بعد صدر ڈونلڈ ٹرمپ نے امن مذاکرات کے خاتمے کا اعلان کیا تھا۔