fbpx

’اندرا گاندھی نے خالصتانیوں کو مچھرکی طرح کچلا‘، متنازع بیان پرکنگنا کیخلاف مقدمہ

نئی دہلی :’اندرا گاندھی نے خالصتانیوں کو مچھرکی طرح کچلا‘، متنازع بیان پرکنگنا کیخلاف مقدمہ،اطلاعات کے مطابق بھارت کی بالی وڈ اداکارہ کنگنا رناوت کے خلاف خالصتان تحریک کے حوالے سے متنازع بیان پر مقدمہ درج کرلیا گیا۔اداکارہ کنگنا رناوت کے بیان نے ملک میں‌ جلتی پرتیل چھڑکنے کا کام کیا

اس حوالے سے بھارتی میڈیا کا کہنا تھا کہ کنگنا رناوت نے انسٹا گرام اسٹوری پر لکھا کہ سابق بھارتی وزیراعظم اندرا گاندھی نے خالصتان تحریک کے خلاف فیصلہ کن اقدام کیا اور دعویٰ کیا کہ اندرا گاندھی نے خالصتانیوں کو مچھر کی طرح کچل دیا۔

کنگنا کا کہنا تھا کہ اس کے لیے اندرا گاندھی کو اپنی جان کی صورت میں بھاری قیمت بھی ادا کرنا پڑی لیکن انہوں نے ملک کے ٹکڑے نہیں ہونے دیے۔اس بیان کو فتنہ انگیز قرار دیتے ہوئے انڈین نیشنل کانگریس کے یوتھ ونگ انڈین یوتھ کانگریس نے کنگنا کے خلاف پرچہ درج کرادیا ہے۔اس کے علاوہ سکھ تنظیموں نے بھی کنگنا کے بیان کو اشتعال انگیز قرار دیتے ہوئے حکومت سےکارروائی کا مطالبہ کیا ہے۔

خیال رہےکہ کنگنا کا یہ بیان ایسے وقت سامنے آیا ہے جب وہ اپنی آنے والی فلم ایمرجنسی کی تیاریوں میں مصروف ہیں، اس فلم میں کنگنا اندرا گاندھی کے کردار میں نظر آئیں گی۔

یاد رہے کہ اس سے پہلے بھی معروف ادا کارہ متنازع بیان دے کرمعاملے کوبگاڑ چکیہیں‌ بالی وڈ اداکارہ کنگنا رناوت کسانوں کی جانب سے دلی کے لال قلعہ پر ’خالصتان‘ کو پرچم لہرانے پر سیخ پا ہوگئیں اور احتجاجی کسانوں کو دہشت گرد قرار دے دیا۔

بھارت کے یوم جہوریہ پر کسانوں نے دہلی میں ٹریکٹر ریلی نکالنے اور لال قلعے پر جمع ہونے کا اعلان کیا تھا۔

یوم جمہوریہ پر دہلی میدان جنگ بنا رہا اور پولیس اور کسانوں کے درمیان جھڑپیں جاری رہیں جبکہ پولیس کی جانب سے شدید لاٹھی چارج اور آنسو گیس کی شیلنگ کی گئی جس سے ایک کسان ہلاک ہوگیا۔

پولیس کے وحشیانہ تشدد کے باوجود کسان دلی کے لال قلعہ تک پہنچنے میں کامیاب ہوگئے اور کسانوں نے لال قلعے پر خالصتان تحریک کے پرچم لہرادیے۔

اس پر اداکارہ کنگنا رناوت نے شدید غم و غصے کا اظہار کیا تھااور کسانوں کے خلاف طاقت کے استعمال کی حمایت کی تھی ۔

اداکارہ کا کہنا تھا کہ بھارت کے یوم جمہوریہ کے دن دلی کے لال قلعہ پر حملہ کرکے خالصتان کا پرچم لہرایا گیاتھا، ان تصاویر نے بھارت کو ہلا کر رکھ دیا تھا۔

انہوں نے کسانوں کو دہشت گرد مخاطب کرتے ہوئے کہا کہ یہ لوگ جو خود کو کسان کہتےتھا، یہ دہشت گرد ہیں، کچھ لوگ ان کی حمایت کھلے عام کررہے تھا۔

انہوں نے شدید غصے میں مطالبہ کیا کہ نام نہاد کسانوں اور ان کے حمایتیوں کو جیل میں ڈال دیا جائے۔

Facebook Notice for EU! You need to login to view and post FB Comments!