شیخوپورہ (نمائندہ باغی ٹی وی) تیز رفتار کار کی موٹر سائیکل کو ٹکر
جوئیانوالہ موڑ لاہور روڑ پر تیز رفتار کار نے موٹر سائیکل کو ٹکر ماردی-
حادثے سے موٹر سائیکل پر سوار 3 افرازخمی ہو گئے- ریسکیو 1122 شیخوپورہ نے موقع پر پہنچ کر زخمیوں کو طبی امداد دینے کے بعد ڈسٹرکٹ ہیڈ کواٹر ہسپتال منتقل کر دیا-
مسلم لیگ ن کے سیکرٹری جنرل احسن اقبال نے کہا ہے کہ جنوبی پنجاب کے نام پر عوام کو بے وقوف بنانا بند کیا جائے
باغی ٹی وی کی رپورٹ کے مطابق احسن اقبال نے وزیر خارجہ شاہ محمود قریشی کی پریس کانفرنس پر ردعمل دیتے ہوئے کہا کہ شاہ محمود قریشی عوام کو بے وقوف بنانا بند کریں جنوبی پنجاب اور بہاولپور صوبہ کا بل ن لیگ نے پہلے قومی اسمبلی میں جمع کروایا جو اسٹینڈنگ کمیٹی کے پاس موجود ہے. انہوں نے کہا کہ مسلم لیگ ن نے جو بل جمع کروایا وزیر خارجہ حکومت میں ہیں وہ اس بل پر کام شروع کریں. احسن اقبال نے مزید کہا کہ تحریک انصاف مسلم لیگ ن کے مںصوبوں کو اپنا بنا کر پیش کر رہی ہے جنوبی پنجاب کا صوبہ بھی شاہ محمود قریشی اپنے نام کرنے پر لگے ہوئے ہیں.
واضح رہے کہ شاہ محمود قریشی نے ملتان میں پریس کانفرنس سے خطاب میں کہا کہ جنوبی پنجاب صوبہ کے لئے آئین میں ترمیم کرنا پڑے گی
نارنگ منڈی(نمائندہ باغی ٹی وی) کرتو سٹاپ نارووال روڑ پر تیز رفتار کیری ڈبہ ٹریکٹر ٹرالی کو کراس کرتے ہوئے ٹریکٹر ٹرالی سے ٹکرا کر الٹ گیا-
نارنگ منڈی: حادثے میں کیری ڈبہ سے سوار 4 افراد زخمی ہو گئے-ریسکیو 1122 نارنگ منڈی نے موقع پر پہنچ کر زخمیوں کو فورا” طبی امداد دینے کے بعد RHC نارنگ منڈی منتقل کر دیا-
زخمیوں میں محمد شبیر ولد محمد سبحان، 33 سال، حاجراں بی بی زوجہ محمد نصراللہ 55 سال، یسمین زوجہ محمد رفیق30 سال، جمیلہ بی بی زوجہ محمد جعفر شامل ہیں-
شیخوپورہ(نمائندہ باغی ٹی وی) ڈپٹی کمشنر شیخوپورہ سید طارق محمود بخاری نے کرکٹ سٹیڈیم میں لگائے گئےسستے رمضان بازار کا دورہ کیا. انہوں نے سستےرمضان بازار میں آٹے اور چینی کی کوالٹی اور وزن چیک کیا اور مختلف سٹالوں کا معائنہ کیا ،اس موقع پر اسسٹنٹ کمشنر شیخوپورہ سید فضائل مدثر بھی ان کے ہمراہ تھے.انہوں نے انتظامیہ کو ہدایت کی عوام کو رعایتی نرخوں پر اشیاء کی فراہمی کو یقینی بنایا جائے تاکہ وزیراعلی پنجاب کے رمضان پیکچ کے ثمرات غریب عوام پہنچا سکیں.
پنجاب حکومت نے ڈاکٹر سلمان شاہ کو وزیراعلیٰ عثمان بزدار کا نیا مشیرتعینات کر دیا۔
باغی ٹی وی کی رپورٹ کے مطابق ڈاکٹر سلمان شاہ کو اکنامک افیئرز اور منصوبہ بندی کا مشیر بنایا گیا ہے. اس ضمن میں نوٹفکیشن جاری کر دیا گیا ہے.
واضح رہے کہ وزیراعلیٰ کے مشیر اکرم چودھری نے گزشتہ روز استعفیٰ دیا تھا حکومت نے اکرم چودھری کو پنجاب فوڈ اتھارٹی کا چیئرمین بنانے کا کہا لیکن اکرم چودھری نے انکار کر دیا، اکرم چودھری تحریک انصاف کے بانی اراکین اوروزیر اعظم عمران خان کے پرانے دوستوں میں سے ہیں.
تحریک انصاف کے رکن پنجاب اسمبلی عبدالعلیم خان نے اپنی حکومت سے مطالبہ کرتے ہوئے کہا کہ نیب کے قوانین کو دیکھا جائے تفتیش سے قبل جیل میں ڈال دینا زیادتی ہے.
باغی ٹی وی کی رپورٹ کے مطابق عبدالعلیم خان نے پنجاب اسمبلی میں میڈیا سے گفتگو کرتے ہوئے کہا کہ مجھ پراگرایک روپے کی بھی کرپشن کی ہوتوسیاست چھوڑدوں گا ، انہوں نے کہا کہ نیب پہلےتفتیش کرے اگرکوئی مجرم لگےتوضرورپکڑیں،پہلےجیل میں ڈالناپھرسوچنا کہ کیس کونساڈالناہے،یہ ظلم ہے، علیم خان نے مزید کہا کہ میرےخلاف سازش کرنے والوں سےاللہ حساب لےگا،جوجیل میں ہوتاہےاس پر،اس کی فیملی پرکیاگزرتی ہے وہی جانتاہے
واضح رہے کہ علیم خان کو آج لاہور ہائیکورٹ نے ضمانت پر رہا کرنے کا حکم دیا ہے ،نیب نے آمدن سے زائد اثاثوں کے الزام میں علیم خان کو گرفتار کیا تھا.
سرگودھا(نمائندہ باغی ٹی وی)وزیر اعلی پنجاب کی ہدایت پر رمضان المبار ک میں ملاوٹ مافیا کے خلاف گرینڈ آپریشن کیاجا رہا ہےتفصیلات کے مطابق ڈی جی فوڈ اتھارٹی کی سربراہی میں میانوالی اور خوشاب میں 11 گھنٹے طویل آپریشن کیا گیا جس میں خوشاب کا معروف ڈھوڈا ہاؤس سیل، 2 یونٹس کی پروڈکشن اصلاح تک بند کر دی گئی ہے
864 کلوغیر معیاری سنیکس، 350 کلو ناقص گھی،180 کلوحشرات زدہ مٹھائیاں، 2 مکسنگ مشینیں، 5سلنڈر ضبط کیے گئے ہیں
کھلے رنگوں کے استعمال اور حشرات کی بہتات پر انور ڈھوڈا ہاؤس کو سیل کیا گیا ہے ڈی جی فوڈ اتھارٹی کے مطابق استعمال شدہ تیل اور ملاوٹ ذدہ دیسی گھی مٹھائی کی تیاری میں استعمال کیا جارہا تھا۔کیپٹن (ر) محمد عثمان اس کے علاوہ
غیر معیاری اجزاء کے استعمال پر ملک برادرز سویٹس اینڈ ٹانگری یونٹ کی پروڈکشن اصلاح تک بند کر دی گئی ہے
غلط لیبلنگ اور ممنوعہ اجزاء کی موجودگی پرحاجی شفیع ٹی سٹور کی پروڈکشن بھی بند کر دی گئی ہے مزید ازاں ڈی جی فوڈ اتھارٹی کیپٹن (ر)محمد عثمان نے نمائندہ باغی ٹی وی سے بات کرتے ہوئے اپنے بیان میں کہا کہ
صحت عامہ کے دشمنوں کو کسی بھی سطح پر کام کرنے کی ہرگز اجازت نہیں دی جائے گی۔
پنجاب میں خوراک کے معیار کو بہترین معیار پر لانے کے لیے دن رات کوشاں ہیں
ملاوٹ سے پاک پنجاب کے خواب کی تکمیل کیلئے ہر ممکن وسائل بروئے کار لا رہے ہیں
حکومت پنجاب کے ویژن کے مطابق صوبہ کو ملاوٹ کے ناسور سے پاک کریں گے۔
امیر جماعت اسلامی سراج الحق نے کہا ہے کہ ایمنسٹی اسکیم کا نام ’’لوٹواورپھوٹو‘‘ہوتاتوزیادہ بہترتھا
باغی ٹی وی کی رپورٹ کے مطابق سراج الحق نے کہا کہ ایمنسٹی کی مخالفت کرنےوالی حکومت اب وہی اسکیمیں خود دے رہی ہے ،حکومت کےمعاشی افلاطون ہرچیزکوآئی ایم ایف کی عینک سےدیکھنے کےعادی ہیں ،آئی ایم ایف صرف قرضہ نہیں دیتی بلکہ خارجہ اورداخلہ پالیسی پربھی اثر اندازہوتی ہے ،انہوں نے کہا کہ حکومت 10ماہ میں 10سال کےبرابرقرض لینےکی کوشش کررہی ہے ،گزشتہ حکومتوں کی طرح اس حکومت کاانحصار بھی آئی ایم ایف کےقرضوں پر ہے .
واضح رہے کہ گزشتہ حکومت میں خیبر پختونخواہ میں جماعت اسلامی تحریک انصاف کی حکومت کی اتحادی جماعت تھی اور سراج الحق تحرک انصاف کی وجہ سے سینیٹ تک پہنچے ہیں.
مسلم لیگ ن کی رکن پنجاب اسمبلی عظمیٰ بخاری نے کہا ہے کہ حکومت نے حمزہ شہباز کو پبلک اکاونٹس کمیٹی کا چیئرمین بنانے سے یوٹرن لے لیا ہے.
باغی ٹی وی کی رپورٹ کے مطابق عظمیٰ بخاری نے میڈیا سے گفتگو کرتے ہوئے کہا کہ تحریک انصاف کی حکومت نے حمزہ شہباز کو پبلک اکاونٹس کمیٹی کا چیئرمین بنانے کا وعدہ کا تھا لیکن بعد میں حکومت نے ہمیشہ کی طرح یوٹرن لے لیا، انہوں نے مزید کہا کہ ہم احتجاجا قائمہ کمیٹیوں کے الیکشن میں شامل نہیں ہوں گے. اگرحمزہ شہبازکوپی اے سی کاچیئرمین بنایا گیا توکسی بھی حد تک جانے کو تیارہیں ،عظمیٰ بخاری نے مزید کہا کہ پنجاب کو بنی گالہ سے چلانے کی اجازت نہیں دے سکتے.
چیرمین نیب جسٹس (ر)جاویداقبال کی زیرصدارت اجلاس ہوا جس میں انتہائی اہم فیصلے کیے گئے
باغی ٹی وی کی رپورٹ کے مطابق چیئرمین نیب کی زیر صدارت اجلاس میں فیصلہ کیا گیا کہ سابق وزیرہاؤسنگ اکرم درانی کےخلاف نیب انکوائری کی جائے گئ،سابق صوبائی وزیرشیراعظم کےخلاف انکوائری کافیصلہ کیا گیا ہے، سابق رکن سندھ اسمبلی علی غلام نظامانی، سعیدنظامانی کےخلاف انکوائری بھی انکوائری کا فیصلہ کیا گیا ہے. چیئرمین نیب نے اجلا س سے خطاب کرتے ہوئے کہا کہ نیب “احتساب سب کیلیے ‘‘کی پالیسی پر عمل پیرا ہے،بدعنوانی تمام برائیوں کی جڑ ہے، جس کا خاتمہ نیب سمیت تمام اداروں کی مشترکہ ذمے داری ہے، نیب مقدمات کو منطقی انجام تک پہنچانے کیلیے تمام وسائل بروئے کار لارہا ہے