کینیڈا: کیتھولک رہنما پراپنی انٹرن سے جنسی زیادتی کا الزام عائد،مقدمہ درج

0
27

کینیڈا کے معروف کیتھولک رہنما کارڈینل مارک اولیٹ پر جنسی زیادتی کا الزام عائد ہونے پر مقدمہ درج کرلیا گیا۔

باغی ٹی وی : مذکورہ الزام کینیڈین صوبے کیوبیک کی مقامی عدالت میں پیش کردہ قانونی دستاویزات میں لگایا گیا ہے جس میں خاتون نے دعویٰ کیا کہ انہیں ماضی میں اس وقت جنسی زیادتی کا نشانہ بنایا گیا جب وہ کم عمر تھیں مقدمے میں، ایک خاتون کی شناخت صرف "ایف” کے طور پر ہوئی ہے-

غیر ملکی میڈیا رپورٹس کے مطابق دستاویزات میں بتایا گیا کہ متاثرہ خاتون ایک چیریٹی کی تقریب میں 2008 میں کارڈینل مارک سے ملیں ، اس وقت ان کی عمر 23 برس تھی اور وہ چرچ میں انٹرن تھیں۔

خاتون نے دعویٰ کیا کہ رات کے کھانے کے بعد کارڈینل مارک نے نامناسب طریقے سے ان کے کندھوں پر ہاتھ لگایا اور پھر کمر سہلانے لگے جس پر خاتون کو سمجھ نہ آیا کہ وہ کیا ردعمل دیں۔

دستاویزات میں الزام عائد کیا گیا کہ بعد ازاں 2010 میں ایک تقریب پر موقع پر کارڈینل نے مذکورہ خاتون کو بوسہ دینے کی خواہش کا اظہار کیا ، ساتھ ہی کچھ غیر مناسب جملے بھی کہے اور آخر کار اسے پچھلے سال پوپ فرانسس سے شکایت کرنے پر اکسایا۔

جی سی سی ممالک میں بانجھ پن کی شرح میں اضافہ

واضح رہے کہ ماضی میں کیتھولک رہنما کارڈینل مارک اولیٹ پوپ کے مضبوط امیدوار سمجھے جاتے تھے کارڈینل مارک اولیٹ کا شمار ان افراد میں ہوتا ہے جو جنسی استحصال کو روکنے کے لیے اپنی آواز بلند کرتے رہے ہیں۔

اولیٹ ویٹیکن بیوروکریسی کے اندر سب سے اہم شخصیات میں سے ایک ہیں، جو اس محکمے کی رہنمائی کرتی ہیں جو بشپس کی جانچ اور انتظام کرتا ہے اسے 2003 میں پوپ جان پال دوم نے کارڈینل نامزد کیا تھا، پوپ بینیڈکٹ XVI کے لیفٹیننٹ کے طور پر خدمات انجام دیں اور اب پوپ فرانسس کے ساتھ تقریباً ہفتہ وار ملاقاتیں کرتے ہیں، جنہوں نے اولیٹ کو عام پانچ سالہ مدت سے کہیں زیادہ اپنے کردار میں رہنے کی اجازت دی ہے۔

لڑکی نے محبت ثابت کرنے کیلئےعجیب و غریب اور انتہائی قدم اٹھا لیا

Leave a reply