جلال آل کی ٹیم کے ہمراہ پاکستان میں دورہ مکمل کر کے ترکی واپسی

ترکی کے دنیا بھر میں شہرہ آفاق ڈرامے ‘ارطغرل غازی’ میں کمانڈر عبدالرحمٰن کا کردار ادا کرنے والے اداکار جلال آل اور ارطغرل غازی کے پروڈیوسر کمال تکیدین 5 دن کا دورہ مکمل کرکے واپس وطن چلے گئے۔

باغی ٹی وی : جلال آل اور کمال تکیدین دیگر ٹیم ارکان کے ہمراہ 7 جنوری کو ترکی سے اسلام آباد پہنچے تھے اور انہوں نے کراچی کا دورہ بھی کیا تھا۔

ترک ٹیم نے اپنے 5 روزہ دورے کے دوران صدر مملکت عارف علوی اور وزیر اعظم عمران خان سے بھی علیحدہ علیحدہ ملاقاتیں کی تھیں جب کہ ترک ٹیم نے اداکار ہمایوں سعید، عدنان صدیقی اور فیروز خان سے ملاقاتیں کرنے کے علاوہ گورنر سندھ عمران اسماعیل سے ملاقاتیں بھی کی تھیں۔

ترک ٹیم نے صوبہ سندھ کے دارالحکومت کراچی کے دورے کے دوران عمر ثنا فائونڈیشن کا دورہ بھی کیا تھا، جہاں جلال آل نے تھیلیسمیا کے مریض بچوں کے لیے خون کا عطیہ بھی دیا تھا۔

ترک ٹیم کی وزیر اعظم عمران خان 8 جنوری کو وزیر اعظم ہائوس میں ہونے والی ملاقات کے میں دونوں ممالک کے درمیان مشترکہ فلم و ڈراما پروڈکشن پر تفصیلی بات چیت ہوئی تھی۔

ارطغرل غازی کا عبدالرحمٰن الپ فیروز خان سے ملنے کے لئے بے چین

ترک ٹیم نے مذکورہ مشترکہ منصوبے کے حوالے سے صدر مملکت عارف علوی کو بھی علیحدہ ملاقات میں باخبر کیا تھا اور صدر مملکت نے بھی ٹیم کو ہر تعاون کی یقین دہانی کروائی تھی۔

اگرچہ ترک و پاکستانی اداروں نے تصدیق کی کہ دونوں ممالک مشترکہ طور پر ‘ترک لالا’ پر ڈراما بنائیں گے، تاہم یہ واضح نہیں ہوسکا کہ مذکورہ ڈراما حکومتی سطح کے معاہدوں کے تحت بنایا جائے گا یا نجی پروڈکشن کمپنیاں اسے بنائیں گی۔

تاہم خیال کیا جا رہا ہے کہ مذکورہ ڈرامے کو کمال تکدن کی پروڈکشن کمپنی تکدن فلمز اور پاکستانی اداکاروں ہمایوں سعید، عدنان صدیقی، پروڈیوسر کاشف انصاری اور ممکنہ طور پر اے آر وائی کے مشترکہ پروڈکشن کمپنیز کے بینر تلے بنایا جائے گا۔

پاکستانی دورہ مکمل کرنے کے بعد جلال آل نے اپنی انسٹاگرام پوسٹ میں گزشتہ روز 13 جنوری کو تصدیق کی کہ وہ باحفاظت ترکی پہنچ چکے ہیں۔

جلال آل نے اپنی پوسٹ میں دوبارہ اس بات کی تصدیق کی کہ دونوں ممالک مشترکہ طور پر ‘ترک لالا’ جیسے ڈراموں پر کام کریں گے۔

انہوں نے اپنی پوسٹ میں پاکستانی عوام کی جانب سے ترک عوام کے لیے سلطنت عثمانیہ کے دور سے دی جانے والی قربانیوں پر پاکستانیوں کا شکریہ بھی ادا کیا۔

جلال آل نے اپنی پوسٹ میں صدر مملکت، وزیر اعظم اور دیگر شوبز شخصیات کا بھی شکریہ ادا کیا۔

پاکستان اور ترکی کا مشترکہ طور پربرصغیر کے مشہور کردار ترک لالہ پر ڈرامہ بنانے…

جلال آل کی اداکار فیروز خان سے ملاقات

جلال آل نے پوسٹ میں بتایا کہ اگرچہ وہ اپنا پہلا دورہ مکمل کرکے واپس وطن پہنچ چکے ہیں اور انہیں اس بات کا بھی افسوس ہے کہ وہ کورونا کی وجہ سے پاکستانی بھائیوں کو گلے نہیں لگا سکے، تاہم جب وہ دوبارہ پاکستانی دورے پر آئیں گے تو اپنے بھائیوں کو گلے لگائیں گے۔

انہوں نے کہا کہ وہ اور ان کے ساتھی پاکستانی دورے سے مکمل طور پر خوش ہیں اور انہیں اپنے برادر ملک میں بہت سارا پیار ملا۔

فیروز خان کا پاکستانی دورے پر آئے ترک اداکار جلال آل سے ملنے کی خواہش کا اظہار

ارطغرل کی دوبارہ پاکستان آنے کی خبریں سوشل میڈیا پر وائرل

ترک اداکار جلال آل کی جانب سے فیروز خان کو کھانے کی دعوت

جواب چھوڑیں

آپ کا ای میل ایڈریس شائع نہیں کیا جائے گا.